1. Umumiy qoidalar
1.1 Ushbu Qoidalar 2GIS Aksiyalarini (keyinchalik – Aksiya) tashkil etish va o‘tkazish tartibini belgilaydi.
1.2. Aksiyalar foydalanuvchilar auditoriyasini ko‘paytirish, 2GIS Mahsulotlarini 2GIS Mahsulotlarining haqiqiy foydalanuvchilari (yakuniy foydalanuvchilar) orasida ommalashtirish, 2GIS mahsulotlarini foydalanuvchi Kontenti bilan to‘ldirish maqsadida o‘tkaziladi. Aksiya reklama xarakteriga ega emas, tavakkalchilikka asoslanmagan, lotereya va rag‘batlantiruvchi tadbir hisoblanmaydi.
1.3. Ushbu Aksiyalarni o‘tkazish Qoidalari maqsadlarida quyida keltirilgan atamalar keyingi ma’noda qo‘llaniladi:
Sovg‘a – Aksiya shartlariga muvofiq G‘olibga/G‘oliblarga topshirish uchun mo‘ljallangan mulk, sertifikatlar ko‘rinishidagi mukofot.
Aksiya sovg‘a fondi – Aksiya shartlariga muvofiq G‘olibga/G‘oliblarga berish uchun mo‘ljallangan sovg‘alar to‘plami.
G‘olib – 2GIS Ilovalaridagi axborot xabarida va/yoki VKontakte ijtimoiy tarmog‘ida (https://vk.com) va/yoki Twitter (https://twitter.com) va/yoki Telegram (https://telegram.org), keyinchalik – ijtimoiy tarmog‘ida, keltirilgan Aksiya g‘olibiga qo‘yiladigan talablarga muvofiq g‘olib deb topilgan Aksiya ishtirokchisidir.
2GIS Mahsulotlari mavjud bo‘lgan shaharlar – O‘zbekiston Respublikasi hududida joylashgan va ularning xususiyatlari asosida 2GIS Mahsulotlari yaratilgan shaharlar va/yoki aholi punktlari. 2GIS Mahsulotlari mavjud bo‘lgan shaharlar ro‘yxati ijtimoiy tarmoqdagi axborot xabarida va/yoki ushbu Qoidalarga Ilovada, yoki Tashkilotchining xohishiga ko‘ra boshqa usulda ko‘rsatiladi.
2GIS Mahsulotlari – 2GIS Ma’lumotnomalari va/yoki Raqamli rejalar, iste’molchining qurilmalariga o‘rnatilishi talab qilinadigan alohida nusxalar shaklida tarqatilishi yoki ularga tarmoq orqali kirish imkoniyati ta’minlanishi mumkin.
2GIS Ma’lumotnoma - ma’lum bir hududda joylashgan tashkilotlar va yakka tartibdagi tadbirkorlar, shuningdek, egasining ixtiyoriga ko‘ra boshqa tashkilotlarning nomi, joylashgan joyi, telefonlari, elektron pochta manzillari va saytlari, ishlab chiqariladigan va sotiladigan tovarlar (bajariladigan ishlar, ko‘rsatiladigan xizmatlar) turlari to‘g‘risidagi ma’lumotlarni o‘z ichiga olgan elektron ma’lumotnoma.
Raqamli reja – muayyan geografik koordinatalar bilan chegaralangan hududdagi geografik obyektlar va aholi punktlari to‘g‘risidagi geoaxborot ma’lumotlarini o‘z ichiga olgan elektron xarita.
Kontent – Fotosuratlar, Sharhlar va Aniqliklar.
Sharhlar – Tashkilotlar haqida Sharhlar, obyektlar haqida Sharhlar va boshqa sharhlar, shu jumladan yo‘l hodisalari (masalan, avariyalar, ta’mirlash ishlari va boshq.) bilan bog‘liq sharhlar.
Tashkilotlar haqida Sharhlar – yuridik shaxslar / yakka tartibdagi tadbirkorlar (tashkilotlar) bilan hamkorlik natijasida mijozlarning tajribasi haqida foydalanuvchilarning fikrlari bo‘lib, ular haqida ma’lumotlar Tashkilotlar Ma’lumotnomada mavjud bo‘lib, tashkilot profili bilan bog‘langan va foydalanuvchilarni tashkilotlarning sotiladigan tovarlari, ishlari, xizmatlari haqida xabardor qilish maqsadida foydalanuvchi tomonidan joylashtiriladi.
Obyektlar haqida Sharhlar – foydalanuvchilarning tabiiy obyektlar (ko‘l, daryo va boshqalar) va/yoki inson faoliyati natijasi bo‘lgan obyektlar: bino, inshoot, bog‘lar, xiyobonlar, ko‘chalar, boshqa obyektlar haqidagi fikrlari; bu ma’lumotlar 2GIS Mahsulotlarida mavjud.
Fotosuratlar – Tashkilotlarning rasmlari, obyektlarning surati va boshqa turli xil fotolavhalar, jumladan yo‘l voqealari (masalan, avariyalar, ta’mirlash ishlari va h.k.) bilan bog‘liq bo‘lgan suratlar.
Tashkilotlarning fotosuratlari – yuridik shaxs/yakka tartibdagi tadbirkor (tashkilot) faoliyatiga aniq aloqador bo‘lgan fotosuratlar bo‘lib, ular haqidagi ma’lumotlar Tashkilotlar Ma’lumotnomada mavjud, tashkilot profili bilan bog‘langan va foydalanuvchilarni tashkilotlar va ular tomonidan amalga oshirilayotgan faoliyat to‘g‘risida xabardor qilish maqsadida joylashtiriladi.
Obyektlarning fotosuratlari – fotografik jarayon natijasida olingan tabiiy obyekt (ko‘l, daryo va boshqalar) va/yoki inson faoliyati natijasi bo‘lgan obyektning tasviri: bino, inshoot, bog‘lar, xiyobonlar, ko‘chalar, boshqa obyektlar; ular haqidagi ma’lumotlar 2GIS Mahsulotlarida mavjud. Obyektlarning fotosuratlari tabiiy yoki inson faoliyati natijasida yaratilgan obyekt haqida umumiy taassurot uyg‘otishi, shuningdek, joyda mo‘ljal olishda yordam berishi lozim.
2GIS Ilova – Elektron ma’lumotnoma, Internet-maydoncha, Veb-ilova va 2GIS Mahsulotlari asosida Reklama joylashtirish uchun mo‘ljallangan boshqa dasturiy ta’minot.
Elektron ma’lumotnoma – shaxsiy kompyuterlar va mobil qurilmalar uchun moslashtirilgan versiyalardagi 2GIS Mahsulotlarini o‘z ichiga olgan elektron nashrdir.
Internet-maydoncha – muayyan tarmoq manzilida joylashgan internet-sayt bo‘lib, unda API 2GIS Ma’lumotnomalar servislaridan foydalanib olingan 2GIS Mahsulotlari Iste’molchilarga taqdim etiladi.
Veb-ilova – Iste’molchining abonent qurilmasiga o‘rnatilgan EHM uchun dastur (shu jumladan mobil qurilmalar uchun dastur), uning yordamida 2GIS Mahsulotlari ko‘rsatiladi va/yoki API 2GIS Ma’lumotnomalari servislaridan foydalangan holda Iste’molchilar e’tiboriga boshqa shaklda taqdim etiladi.
Sayt - 2gis.uz domenida joylashtirilgan internet-sayt bo‘lib, unda API servislaridan foydalangan holda olingan 2GIS Mahsulotlari 2GIS Ma’lumotnomalari foydalanuvchilar e’tiboriga yetkaziladi.
1.5. Aksiya Tashkilotchilari:
1.5.1. Tashkilotchi:
“DublGIS” MChJ
STIR 5405276278
KPP (soliq organlarida hisobga olish sababining kodi) 540401001
OGRN (yuridik shaxsning asosiy davlat ro‘yxatdan o‘tkazish raqami) 1045401929847
Yuridik manzili: 630048, Novosibirsk sh., Karl Marks maydoni, 7-uy, 13-qavat
Bank: SIBIR BANKI “SBERBANK ROSSII” OAJ, NOVOSIBIRSK SHAHRI
hisob raqami 40702810744050005734
kоrr. hisob raqami 30101810500000000641
BIK 045004641
Yuridik manzili: 630032, Novosibirsk sh., 35-abonent qutisi
Telefon: (383) 363-05-55
Tashkilotchi axborot xabarida va/yoki ushbu Qoidalarga ilovada ma’lumotlari ko‘rsatilgan Hamtashkilotchilarni (keyinchalik – Hamtashkilotchi/ Hamtashkilotchilar), axborot xabarida va/yoki ushbu Qoidalarga Ilovada ma’lumotlari ko‘rsatilgan Sovg‘alarni berish agentlarini, shuningdek, axborot xabarida va/yoki ushbu Qoidalarga Ilovada ma’lumotlari ko‘rsatilgan Sovg‘alarni yetkazib berish uchun Transport kompaniyalarini jalb etishga haqlidir.
1.6. Ushbu Aksiyani o‘tkazish Qoidalari va ijtimoiy tarmoqdagi axborot xabarida yoki Tashkilotchining xohishiga ko‘ra boshqa usulda bayon etilgan Aksiya shartlari Aksiyani o‘tkazish yagona Qoidalarini( keyinchalik – Aksiyani o‘tkazish Qoidalari/Qoidalar) tashkil etadi.
1.6.1. Aksiya shartlari Axborot xabarida quyidagilar keltirilgan:

• Aksiyani o‘tkazish hududi. Agar boshqacha ko‘rsatilmagan bo‘lsa, Aksiyani o‘tkazish hududi – O‘zbekiston Respublikasi hisoblanadi.
• Aksiyani o‘tkazish muddati, jumladan G‘olibni aniqlash sanasi;
• sovg‘alarni berish muddatlari. Agar boshqacha ko‘rsatilmagan bo‘lsa, sovg‘ani berish muddati – G‘olib e’lon qilingan kundan boshlab 4 (to‘rt) oy.
• sovg'a fondiga nimalar kirishini bildiruvchi ma’lumoti;
• vazifaning mohiyatini belgilovchi shartlar; agar vazifa shartlariga ko‘ra zarur bo‘lsa, baholash mezonlari;
• G‘olibni aniqlash tartibi haqida ma’lumoti;
• boshqa ma’lumotlari, jumladan, Aksiyada ishtirok etishga bo‘lgan cheklashlar, agar Aksiya shartlariga muvofiq mavjud bo‘lsa.

1.7. Aksiyada Ishtirok etish (mohiyati axborot xabarida ochib berilgan topshiriqni bajarish) ixtiyoriy hisoblanadi, agar axborot xabarida boshqacha tartib nazarda tutilmagan bo‘lsa, Aksiya Ishtirokchilarining ushbu Qoidalarning 7.14-bandida ko‘rsatilgan manzilda Internet tarmog‘ida joylashtirilgan va/yoki mavjud bo‘lgan Aksiyani o‘tkazish qoidalari, shuningdek, Litsenziya kelishuvi, 2GIS servislaridan foydalanish to‘g‘risidagi kelishuv, Maxfiylik siyosati va Axborot materiallariga qo‘yiladigan talablari, Internet tarmog‘ida quyidagi manzilda joylashtirilgan va/yoki mavjud bo‘lgan: http://law.2gis.uz.
1.8. Ushbu Qoidalar Tashkilotchi tomonidan barcha potentsial Aksiya Ishtirokchilariga mo‘ljallangan ochiq ofertani hisoblanadi. Axborot xabarida mohiyati ochib berilgan topshiriqning amalda bajarilishi Ishtirokchining Qoidalar shartlariga e'tirozsiz roziligi sifatida qaraladi. Shu paytdan boshlab Qoidalar Ishtirokchi va Tashkilotchi uchun ushbu shaxslarning Aksiyani tashkil etish va o‘tkazish bilan bog‘liq huquq va majburiyatlarini belgilovchi yuridik ahamiyatga ega bo‘lgan kelishuv kuchini oladi.

2. Aksiyani o‘tkazish muddatlari va shartlari to‘g‘risida xabardor qilish usuli va tartibi
2.1. Tashkilotchi potensial Ishtirokchilarni Aksiya o‘tkazilishi to‘g‘risida axborot xabarini joylashtirish va/yoki Aksiya tashkilotchisining tanloviga ko‘ra boshqa usullar bilan xabardor qiladi.

3. Sovg‘a fondi to‘g‘risidagi nizomlar
3.1. Sovg‘a fondi Aksiya tashkilotchisi va/yoki hamtashkilotchilarining mablag‘lari hisobiga shakllantiriladi. Sovg‘a fondi to‘g‘risidagi ma’lumotlar ijtimoiy tarmoqdagi axborot xabarida yoki Tashkilotchining ixtiyoriga ko‘ra boshqacha tarzda ko‘rsatiladi.
3.2. Sovg‘ani almashtirish va G‘olibga topshirilayotgan Sovg‘a qiymatining pul ekvivalentini to‘lash Aksiya Tashkilotchining va/yoki Hamtashkilotchining ixtiyoriga ko‘ra amalga oshiriladi.

4. Aksiya Ishtirokchilariga talablari
4.1. Aksiya ishtirokchilari bir vaqtning o‘zida quyidagi talablarga javob beradigan jismoniy shaxslar bo‘lishi mumkin:

• 18 yoshga to‘lgan, muomalaga layoqatli hamda Aksiya o‘tkaziladigan hudud mamlakatining fuqarosi bo‘lgan shaxs.

Ushbu Qoidalarga muvofiq Aksiyada ishtirok etish huquqini beruvchi yoshga yetmagan shaxslar Aksiya Ishtirokchilari deb hisoblanmaydi va Sovg‘a olish huquqiga ega emaslar.

• ijtimoiy tarmoqda ro‘yxatdan o‘tgan va/yoki Saytda avtorizatsiyadan o‘tgan foydalanuvchi.

Aksiya ishtirokchisi Sovg'ani olish huquqini G‘olib deb topilgan Aksiya ishtirokchisi va Sovg'a olishga da’vogar shaxs (Tashkilotchi/Hamtashkilotchiga Sovg'a olish uchun murojaat qilgan yoki boshqa tarzda sovrin olish niyatini bildirgan shaxs)ni identifikatsiya (tanishligini aniqlash) qilib bo‘lmasligi holatida Tashkilotchi va/yoki Hamtashkilotchi tomonidan rad etilish xavfini o‘z zimmasiga oladi, jumladan, Ishtirokchining hisob qaydnomasi ma’lumotlari Sovg'a olishga da’vogar shaxs tomonidan taqdim etilgan ma’lumotlarga to‘liq yoki qisman mos kelmasligi holatida ham.

• Aksiyaning shartlarini konklyudent harakatlar orqali qabul qilgan shaxs – axborot xabarida ochiqlangan vazifani bajarish orqali.

4.2. Ushbu Qoidalarda nazarda tutilgan talablarni, shu jumladan Aksiya Ishtirokchilariga qo‘yiladigan talablarni buzish, Aksiya davomida aniqlangan bo‘lsa, Aksiya Ishtirokchisi maqomining haqiqiy emasligiga olib keladi (diskvalifikatsiya).
4.3. Aksiya Ishtirokchilariga Tashkilotchining va/yoki Hamtashkilotchining xodimlari va vakillari, ularga aloqador shaxslar, ularning oila a’zolari, shuningdek Aksiyani tashkil etish va o‘tkazishga daxldor boshqa yuridik shaxslar va/yoki yakka tartibdagi tadbirkorlarning xodimlari hamda ularning oila a’zolari kiritilmaydi.
4.4. Aksiya Ishtirokchisi quyidagi huquqlarga ega:

• Aksiya amal qilish muddati davomida istalgan vaqtda Tashkilotchiga yozma xabarnoma yuborish orqali aksiyada ishtirok etishdan voz kechish;
• o‘zining ijtimoiy tarmoqdagi sahifasida Aksiya o‘tkazilishi haqidagi axborot xabarlarini repostlarni qayta ulashish.
• Kontentni 2GIS Mahsulotlari mavjud bo‘lgan istalgan shaharga tegishli bo‘lgan 2GIS Ilovasida, lekin Aksiya o‘tkaziladigan hudud doirasida joylashtirish.

4.5. Ishtirokchi Aksiyada qatnashish bilan bog‘liq o‘z huquqlarini uchinchi shaxsga o‘tkazishi va/yoki boshqa usul bilan topshirishi mumkin emas.

5. G‘olib va Aksiya natijalari to‘g‘risidagi qoidalar
5.1. Aksiya G‘olibi quyidagi usullardan biri orqali aniqlanishi mumkin, bu haqda axborot xabarida ham alohida ko‘rsatib o‘tiladi:

• tarkibiga Tashkilotchi xodimlari kiradigan hakamlar hay’ati ishi yakunlari bo‘yicha;
• G‘olibni tasodifiy aniqlashga qaratilgan har qanday dasturiy ta’minotdan foydalanish. Axborot xabarida boshqacha tartib ko‘rsatilmagan bo‘lsa, Aksiya G‘olibi tasodifiy tanlash imkonini beruvchi maxsus dasturiy ta’minot yordamida aniqlanadi.
• axborot xabarida ko‘rsatilgan boshqa usulda amalga oshiriladi.

5.2. Aksiya natijalari Tashkilotchi tomonidan axborot xabarida jtimoiy tarmoqda yoki Tashkilotchining ixtiyoriga ko‘ra boshqacha tarzda joylashtiriladi.
5.3. G‘olibga Sovg'ani berish
5.3.1. G‘olib e’lon qilingan paytdan boshlab 2 (ikki) oy ichida sovg‘a berish tartibi va usulini kelishish uchun Tashkilotchi va/yoki Hamtashkilotchining vakili G‘olib bilan bog‘lanadi. G‘olib bilan aloqa Saytda ro‘yxatdan o‘tish paytida ko‘rsatilgan ijtimoiy tarmoqdagi akkauntga va/yoki elektron manzilga xabar yuborish orqali amalga oshiriladi.
5.3.2. G‘olibga Sovg‘a berish G‘olibning shaxsini tasdiqlagandan so‘ng amalga oshiriladi.
5.3.3. G‘olib tomonidan Aksiya tashkilotchisiga taqdim etiladigan shaxsiy ma’lumotlar:

• Aksiya Ishtirokchisining familiyasi, ismi, otasining ismi (mavjud bo‘lsa);
• Aloqa uchun telefon raqami.

5.3.4 G‘olib tomonidan Aksiya Hamtashkilotchiga/Sovg‘alarini berish Agentiga taqdim etiladigan shaxsiy ma’lumotlar:

• Aksiya Ishtirokchisining familiyasi, ismi, otasining ismi (mavjud bo‘lsa);
• Jinsi, fuqaroligi;
• Aksiya ishtirokchisining shaxsini tasdiqlovchi hujjat ma’lumotlari: pasport seriyasi va raqami, berilgan sanasi, bergan organning nomi, bo‘linma kodi (RF fuqarolari uchun);
• Aksiya Ishtirokchisining tug‘ilgan sanasi va joyi;
• Soliq to'lovchining identifikatsiya raqami;
• Aloqa uchun telefon raqami.

5.3.5. Sovg‘a yutib olgan Ishtirokchi Tashkilotchiga / Hamtashkilotchiga / Sovg‘alarni berish agentiga barcha zarur ma’lumotlar va hujjatlarni taqdim etar ekan, quyidagilarni tasdiqlaydi:

• Aksiyani o‘tkazish Qoidalari shartlari bilan oldindan to‘liq tanishgan, ushbu Qoidalarning mazmuni tushunarli;
• Aksiya o‘tkazish Qoidalarining barcha shartlarini to‘liq hajmda, hech qanday istisno va cheklashlarsiz qabul qiladi.
• barcha shaxsiy ma’lumotlar shaxsan Aksiya G‘olibiga tegishli.

5.3.6. Aksiya G‘olibi Sovg‘ani olgan paytdan boshlab, u Sovg‘aning tasodifan nobud bo‘lishi yoki shikastlanishi xavfini o‘z zimmasiga oladi.
5.3.7. Axborot xabarida ko‘rsatilgan Sovg‘a berish sanasigacha talab qilib olinmagan Sovg‘a Aksiya Tashkilotchisi / Hamtashkilotchisi tomonidan berilmaydi va o‘z ixtiyoriga ko‘ra foydalaniladi.
5.3.8. Agar Tashkilotchi / Hamtashkilotchi G‘olib e’lon qilingan paytdan boshlab 2 (ikki) oy ichida Ijtimoiy tarmoqda axborot xabarlari almashish orqali G‘olib deb e’tirof etilgan Ishtirokchi bilan bog‘lana olmasa va/yoki ushbu Qoidalarning 5.3.4., 5.3.5.-bandlariga muvofiq Sovg'ani berish uchun shart bo‘lgan hujjatlar va ma’lumotlarni G‘olibdan ololmasa, Sovg'a talab qilinmagan deb hisoblanadi.
5.3.9. Shuningdek, Tashkilotchi /Hamtashkilotchi quyidagi holatlarda Sovg‘ani berishni rad etishga haqli:

• G‘olib deb tan olinish va Sovg‘ani olish talabini bildirgan shaxs Aksiya yakunlariga ko‘ra bunday maqomga ega bo‘lmasa;
• Qoidalarda belgilangan muddat ichida G‘olibdan ushbu Qoidalarning 5.3.4., 5.3.5.-bandlariga muvofiq Sovg‘ani berish uchun zarur bo‘lgan hujjatlar va ma’lumotlar olinmagan taqdirda.

G‘olib o‘zi haqida noto‘g‘ri ma’lumot bergan, uni o‘z vaqtida taqdim etmagan yoki ushbu Qoidalarning shartlari boshqacha tarzda buzilishiga yo‘l qo‘ygan bo‘lsa.
5.3.10. Aksiya G‘olibi Aksiya o‘tkazilayotgan hududida davlat qonunchiligiga muvofiq Aksiyada ishtirok etish va g‘alaba qozonish natijasida Sovg‘ani olish bilan bog‘liq soliq majburiyatlarini mustaqil ravishda bajaradi.

6. Kontent. Intellektual mulk huquqi
6.1. Aksiyada qatnashish uchun 2GIS servislaridan foydalanish to‘g‘risidagi Kelishuviga, Axborot materiallariga qo‘yiladigan talablarga hamda ushbu Qoidalarga muvofiqligini tekshirish (moderatsiya)dan o‘tgan Kontent qabul qilinadi. Kontentni tekshirish (moderatsiya) Tashkilotchi tomonidan amalga oshiriladi.
6.2. Aksiya Tashkilotchisi, tekshiruv (moderatsiya) jarayonida ham, tekshiruvdan so‘ng ham, agar Kontentni yuklagan shaxs Aksiya ishtirokchisiga qo‘yiladigan talablarga javob bermasa va/yoki birortasi Kontent 2GIS servislaridan foydalanish to‘g‘risidagi Kelishuv talablariga va/yoki Axborot materiallariga qo‘yiladigan talablariga va/yoki ushbu Qoidalarga mos kelmasa, Aksiyada ishtirok etish doirasida taqdim etilgan Kontentni rad etish huquqini o‘zida saqlab qoladi.
6.3. Aniqliklar haqiqiy ma’lumotlarga mos kelishi, dolzarb, to‘g‘ri va ishonchli bo‘lishi lozim.
6.4. Aksiyada qatnashish orqali Ishtirokchi quyidagilarni kafolatlaydi:
– U Aksiya doirasida taqdim etilgan Kontentning qonuniy huquq egasi bo'lib, unga nisbatan mutlaq huquqqa egalik qiladi;
– Kontent Aksiya o‘tkaziladigan davlat hududidagi qonunchilikni buzmaydi, haqoratli ma’lumotlarni o‘z ichiga olmaydi, shuningdek, axloqiy tamoyillar va umume’tirof etilgan qadriyatlarga zid bo‘lgan ma’lumotlardan xoli;
– Kontentning mazmuni uchinchi shaxslarning huquqlarini buzmasligi;
– Tashkilotchiga uchinchi shaxslar tomonidan Kontent foydalanishiga doir e’tirozlar bildirilgan taqdirda, Aksiya Ishtirokchisi mazkur e’tirozlarni bildirgan shaxslar bilan barcha bahsli masalalarni mustaqil ravishda va o‘z mablag‘i hisobidan hal etish majburiyatini o‘z zimmasiga oladi;
– Agar uchinchi shaxslar sud yoki boshqa tartibda Tashkilotchining Kontentdan foydalanish huquqlarini nizolashsa, Ishtirokchi bahsda Tashkilotchi tomonida qatnashishi va Tashkilotchining Kontentdan foydalanishi qonuniyligini isbotlashi shart;
– Agar Ishtirokchi Kontentdan foydalanish va uni tasarruf etishning qonuniyligini isbotlay olmasa va Tashkilotchi javobgarlikka tortilsa, u holda Ishtirokchi nizoni ko‘rib chiqayotgan sud va/yoki boshqa organning qarori kuchga kirgan kundan boshlab 10 (o‘n) kalendar kun ichida sud xarajatlarini, Tashkilotchidan uchinchi shaxs foydasiga undirilishi kerak bo‘lgan summani, sud jarayoni bilan bog‘liq boshqa xarajatlarni, shu jumladan sud vakillari xizmatlari xarajatlarini Tashkilotchiga qoplashi shart;
– Tashkilotchi mazkur Qoidalar shartlariga ko‘ra Kontentdan foydalanganlik uchun uchinchi shaxslarga qo‘shimcha haq to‘lash majburiyatidan ozod etiladi;
– Tashkilotchi Kontentdan anonim tarzda, ya’ni mualliflar va boshqa ijodkorlarning ismlarini ko‘rsatmasdan foydalanish huquqiga ega;
– Tashkilotchiga Kontentni oshkor qilish huquqi berilgan, ya’ni Kontentni e’lon qilish orqali uni birinchi marta keng jamoatchilikka ma’lum qiladigan harakatni amalga oshirish yoki bunday harakatga rozilik berish huquqiga ega;
− Tashkilotchi Kontentga o‘zgartirishlar, qisqartirishlar va qo‘shimchalar kiritish huquqiga ega; shuningdek, Kontentdan foydalanish jarayonida uni izohlar va tushuntirishlar bilan ta’minlash huquqiga ham egadir. Bu bilan Ishtirokchi Kontentdan bunday foydalanish asarning daxlsizlik huquqini buzmasligini tasdiqlaydi.
6.5. Aksiyada qatnashish va Kontentni qo‘shish bo‘yicha harakatlarni amalga oshirgan holda, Ishtirokchi Kontentni 2GIS Ilovasiga qo‘shgan paytdan boshlab Tashkilotchiga Kontentdan eksklyuziv bo‘lmagan litsenziya asosida, dunyoning barcha mamlakatlari hududida Kontentga bo‘lgan eksklyuziv huquqning butun amal qilish muddati davomida, bepul asosda, hududida Aksiya o‘tkazilayotgan davlat qonunchiligida nazarda tutilgan barcha usullar bilan foydalanish huquqini, shu jumladan quyidagi huquqlarni beradi:
1) 2GIS Dasturiy mahsulotlari tarkibida Kontentdan foydalanish, shuningdek, cheklanmagan doiradagi shaxslarga bevosita yoki bilvosita kirish imkoniyatini taqdim etish;
2) 2GIS dasturiy mahsulotlarida Kontentni qayta ishlab chiqarish, Kontentni oldindan o‘rnatish (ijro etish) va aks ettirish;
3) 2GIS Dasturiy mahsulotlari tarkibida Kontentni tarqatish, shu jumladan elektron vositalar orqali tarqatish, Kontentga ega qurilmalarni butun dunyo bo‘ylab mustaqil ravishda yoki uchinchi shaxslarni jalb qilgan holda fuqarolik muomalasiga kiritish orqali Kontentni tarqatish;
4) Kontentni ommaviy namoyish qilish, ommaviy ijro etish, efirga uzatish va barchaning e’tiboriga yetkazish;
5) Kontentni 2GIS Dasturiy mahsulotlariga kiritish va ulardan foydalanish maqsadida moslashtirish, tarjima qilish, modifikasiya qilish, hosila yaratish va Kontentni boshqacha tarzda qayta ishlash;
6) Kontentni o‘z ichiga olgan 2GIS Dasturiy mahsulotlarining skrinshotlaridan har qanday maqsadlarda, shu jumladan reklama maqsadlarida foydalanish;
7) Kontentni har qanday shaklda nusxalash, Kontentning qattiq nusxalarini yaratish (plotter, printer yoki boshqa bosma va nusxa ko‘chiruvchi qurilmalarda chop etish) har qanday maqsadda foydalanish uchun, shu jumladan 2GIS dasturiy mahsulotlarini targ‘ib qilish, 2GIS dasturiy mahsulotlari qo‘llanmalarida rasmlar sifatida ishlatish, hamda ularni ko‘paytirish va tarqatish huquqi bilan amalga oshiriladi.
6.6. Ishtirokchi ushbu litsenziyani Tashkilotchiga Kontentdan foydalanish uchun ustav maqsadlarida taqdim etiladi, Aksiya o‘tkazilayotgan davlat hududida amal qiluvchi qonunchilikda taqiqlanmagan istalgan har qanday usullar bilan:
– Aksiyani o‘tkazish vaqtida ko‘rsatish;
– jurnallarda va ommaviy axborot vositalarida e’lon qilish;
– Tanlovda ishtirok etish uchun taqdim etilgan Kontentni Tanlov o‘tkazilgan paytdan boshlab besh yil davomida o‘z arxivlarida (elektron yoki boshqa formatlarda) saqlash;
– Kontentni Tashkilotchi va/yoki uning hamkorlarining veb-saytlarida joylashtirish (hammaning e’tiboriga yetkazish);
– Kontentdan fotoalbomlar, axborot bukletlari, raqamli manbalar va Tashkilotchining boshqa mahsulotlari, jumladan, esdalik sovg‘alari uchun foydalanish.
6.7. Ushbu Qoidalarga muvofiq, Aksiya ishtirokchisi Tashkilotchiga ushbu Qoidalarga muvofiq Ishtirokchi tomonidan o‘ziga berilgan barcha yoki har qanday huquqlarni sub-litsenziyalash va uchinchi shaxslarga o‘tkazish huquqini beradi, bunda Tashkilotchi o‘z sub-litsenziatlarining barcha harakatlari va harakatsizligi uchun javobgar bo‘lmasligi shart.

7. Yakuniy qoidalar
7.1 Ishtirokchi Aksiyada qatnashish uchun harakat qilar ekan (axborot xabarida bayon etilgan topshiriqni bajarish yoki Tashkilotchining xohishiga ko‘ra boshqacha tarzda, ushbu Qoidalarning 1.7-bandiga muvofiq), quyidagilarni taqdim etadi:
7.1.1. Tashkilotchi tomonidan belgilangan ushbu Qoidalarning shartlariga to‘liq va so‘zsiz rozilik bildirish, shuningdek, Aksiyada qatnashish uchun Tashkilotchi o‘rnatgan talablarga rozi bo‘lish;
7.1.2. Tashkilotchi tomonidan ushbu Qoidalarning 5.3.3-bandida sanab o‘tilgan shaxsiy ma’lumotlarni, shuningdek, Aksiya o‘tkazilayotgan davlatning qonunchiligiga muvofiq ilgari 2GIS Mahsulotlarida ro‘yxatdan o‘tishda taqdim etilgan Ishtirokchi haqidagi boshqa ma’lumotlarni (ID foydalanuvchisi 2GIS Mahsulotlarida, foydalanuvchining ismi 2GIS Mahsulotlarida, fotosurati, avatarkasi (jtimoiy tarmoqlarda surati), elektron pochta manzili, 2GIS Mahsulotlarida ro‘yxatdan o‘tish sanasi, 2GIS Mahsulotlarida ro‘yxatdan o‘tish vaqti) (keyinchalik – boshqa ma’lumotlar) qayta ishlashga rozilik berish va quyidagi harakatlarni amalga oshirish: shaxsiy ma’lumotlarni to‘plash, yozish, tizimlashtirish, to‘plash, saqlash, aniqlashtirish (yangilash, o‘zgartirish), ajratib olish, foydalanish, uzatish (tarqatish, taqdim etish, kirish), egasizlantirish, bloklash, o‘chirish, yo‘q qilish. Shaxsga doir ma’lumotlarga ishlov berish avtomatlashtirilgan vositalardan foydalangan holda ham, avtomatlashtirish vositalaridan foydalanmagan holda ham amalga oshiriladi. Shaxsiy ma’lumotlar va boshqa axborotga ishlov berish quyidagi maqsadlarda amalga oshiriladi:
– Aksiyani o‘tkazish munosabati bilan Tashkilotchida yuzaga kelgan yoki kelishi mumkin bo‘lgan majburiyatlarni bajarish;
– Tashkilotchi tomonidan Aksiya bo‘yicha Ishtirokchilar bilan aloqa o‘rnatish, jumladan elektr aloqa tarmoqlari orqali SMS-xabarlar va elektron pochta xabarlari yuborish;
Ishtirokchining shaxsiy ma’lumotlari va boshqa ma’lumotlarni Tashkilotchi tomonidan qayta ishlashga roziligi, Ishtirokchi harakat qilgan paytdan (ya’ni, axborot xabarida tushuntirilgan topshiriqni bajarganidan yoki Tashkilotchining xohishiga ko‘ra boshqa tarzda, ushbu Qoidalarning 1.7-bandiga muvofiq) boshlab kuchga kiradi va Qoidalarda belgilangan Aksiya o‘tkazilishi muddati davomida amal qiladi.
7.1.3. Hamtashkilotchilar, Sovg‘alarni berish Agentlari va/yoki sovg‘alarni yetkazib berishni amalga oshiruvchi transport kompaniyalari sifatida ko‘rsatilgan uchinchi shaxslar (bundan keyin ma’lumotlari axborot xabarida va/yoki ushbu Qoidalarga ilovada ko‘rsatiladigan uchinchi shaxslar deb ataladi) tomonidan ushbu Qoidalarning 5.3.4-bandida sanab o‘tilgan shaxsiy ma’lumotlarni Aksiya o‘tkazilayotgan hududdagi davlat qonunchiligiga muvofiq qayta ishlashga rozilik berish. Shaxs quyidagi harakatlarni amalga oshirishga haqli: shaxsiy ma’lumotlarni yig‘ish, qayd etish, tizimlash, to‘plash, saqlash, aniqlash (yangilash, o‘zgartirish), ajratib olish, foydalanish, uzatish (tarqatish, taqdim etish, foydalanishga ruxsat berish), shaxssizlantirish, bloklash, o‘chirish va yo‘q qilish. Shaxsiy ma’lumotlar quyidagi maqsadlarda amalga oshiriladi:
– G‘olib deb topilgan Aksiya Ishtirokchisi bilan aloqa o‘rnatish, jumladan elektr aloqa tarmoqlari orqali SMS-xabarlar va elektron pochta xabarlari yuborish;
– ushbu Qoidalarga muvofiq G‘olib deb topilgan Aksiya Ishtirokchisiga Sovg‘a berish, shu jumladan soliq agenti vazifasini bajarish maqsadida.
7.1.4. Tashkilotchi tomonidan Hamtashkilotchiga, agar u G‘olibga Sovg‘ani taqdim etishi shart bo‘lgan shaxs bo‘lsa, sovg‘a berishini ta’minlash uchun ushbu Qoidalarning 5.3.3.-bandida sanab o‘tilgan shaxsiy ma’lumotlarni taqdim etishga rozilik berish. Hamtashkilotchi quyidagi harakatlarni amalga oshirishga haqli: shaxsiy ma’lumotlarni yig‘ish, qayd etish, tizimlash, to‘plash, saqlash, aniqlash (yangilash, o‘zgartirish), olish, foydalanish, uzatish (tarqatish, taqdim etish, kirish huquqini berish), shaxssizlantirish, bloklash, o‘chirish va yo‘q qilish.
7.1.5. Aksiyani o‘tkazishni texnik qo‘llab-quvvatlashni ta’minlash maqsadida Tashkilotchi tomonidan “DG-Soft” MChJga 7.1.2-bandda ko‘rsatilgan boshqa ma’lumotlarni uzatishga rozilik. “DG-Soft” MChJ quyidagi harakatlarni amalga oshirishga haqli:shaxsiy ma’lumotlarni yig‘ish, qayd etish, tizimlash, to‘plash, saqlash, aniqlash (yangilash, o‘zgartirish), olish, foydalanish, uzatish (tarqatish, taqdim etish, kirish huquqini berish), shaxssizlantirish, bloklash, o‘chirish va yo‘q qilish. Shaxsga doir ma’lumotlarga ishlov berish avtomatlashtirilgan vositalardan foydalangan holda ham, avtomatlashtirish vositalaridan foydalanmagan holda ham amalga oshiriladi.
7.1.6. G‘olib deb topilgan taqdirda, o‘zining familiyasi, ismi, otasining ismi, nikneymi, ijtimoiy tarmoq sahifasiga havola va/yoki boshqa shaxsiy ma’lumotlari “Vkontakte” va/yoki “Odnoklassniki” va/yoki “Twitter” ijtimoiy tarmoqlarida Tashkilotchi tomonidan e’lon qilinishiga rozilik bildirish. Shu bilan birga, Aksiya Ishtirokchisi Tashkilotchiga o‘zining shaxsiy ma’lumotlarini noma’lum shaxslar doirasiga tarqatishga alohida roziligini beradi, bunday rozilik bo‘lmagan taqdirda, Aksiya Ishtirokchisi haqidagi ma’lumotlar G‘olib sifatida e’lon qilinmaydi.
7.2. Tashkilotchi, uchinchi shaxslar, “DG-Soft” MCHJ Ishtirokchilarning shaxsiy ma’lumotlarini va/yoki Ishtirokchilar to‘g‘risidagi boshqa ma’lumotlarni qayta ishlashda shaxsiy ma’lumotlarni ularga noqonuniy yoki tasodifiy kirishdan, shaxsiy ma’lumotlarni yo‘q qilish, o‘zgartirish, bloklash, nusxalash, taqdim etish, tarqatishdan, shuningdek, olingan shaxsiy ma’lumotlarga nisbatan boshqa noqonuniy harakatlardan himoya qilish uchun zarur huquqiy, tashkiliy va texnik choralarni ko‘rish yoki ularning qabul qilinishini ta’minlash majburiyatini oladi.
7.3. 7.1.3. – 7.1.5.-bandlarda ko‘rsatilgan Ishtirokchining roziligi, Ishtirokchi tomonidan harakat amalga oshirilgan paytdan boshlab (axborot xabarida yoki Tashkilotchining xohishiga ko‘ra boshqa tarzda ochib berilgan topshiriqni bajarish, ushbu Qoidalarning 1.7.-bandi) kuchga kiradi va Qoidalarda belgilangan Aksiya muddati tugaganidan so‘ng 4 (to‘rt) yil davomida amal qiladi.
7.4. Ushbu Qoidalarning 7.1.6.-bandida ko‘rsatilgan Ishtirokchining roziligi muayyan Aksiya Qoidalarida belgilangan Aksiyani o‘tkazishning butun muddati davomida va Tashkilotchining “Vkontakte”, “Odnoklassniki”, “Twitter” ijtimoiy tarmoqlaridagi akkauntining amal qilish muddati davomida amal qiladi.
7.5. Ishtirokchi 5.3.3.-bandda ko‘rsatilgan shaxsiy ma’lumotlarni qayta ishlashga bergan roziligini bekor qilish huquqiga ega. Bekor qilish esa, Rossiya Federatsiyasining 2006-yil 27-iyuldagi 152-FZ-sonli “Shaxsiy ma’lumotlar to‘g‘risida”gi Federal qonuniga muvofiq, shaxsiy ma’lumotlarni qayta ishlashni to‘xtatishni talab qiluvchi hujjatni Tashkilotchiga yuborishni nazarda tutadi: 630048, Rossiya, Novosibirsk shahri, Karl Marks maydoni, 7-uy, 13-qavat; agar Aksiya ishtirokchisi/G‘olibi bevosita Hamtashkilotchi/Hamtashkilotchilar va/yoki Agentlarga o‘z roziligini bergan bo‘lsa, ushbu Qoidalarning Ilovasida va/yoki ijtimoiy tarmoqdagi axborot xabarida manzillari ko‘rsatilgan Hamtashkilotchilar, Sovg‘alarni berish agentlari manziliga.
7.6. Ishtirokchi 5.3.4.-bandda keltirilgan shaxsiy ma’lumotlarni qayta ishlashga bergan roziligini bekor qilish huquqiga ega, roziligini bekor qilish uchun Ishtirokchi Aksiya o‘tkaziladigan hududning qonunchiligiga muvofiq shaxsiy shaxsiy ma’lumotlarga ishlov berishni to‘xtatish talabi bilan ushbu Qoidalarning Ilovasida va/yoki ijtimoiy tarmoqdagi axborot xabarida manzillari ko‘rsatilgan Hamtashkilotchilar, Sovg‘alar berish agentlari manziliga hujjat yuborishni nazarda tutadi.
7.7. Aksiya Tashkilotchisi Aksiya ishtirokchilarini oldindan ogohlantirmasdan, Aksiyaning boshlanishidan avval ham, u boshlangandan so‘ng har qanday vaqtda ham ushbu Qoidalarga va/yoki axborot xabariga bir tomonlama tarzda o‘zgartirishlar kiritish huquqiga ega.
7.8. Aksiyani o‘tkazish qoidalariga muvofiq, Tashkilotchi tomonidan Aksiyani o‘tkazish bilan bog‘liq barcha masalalar yuzasidan qabul qilingan qarorlar yakuniy hisoblanadi.
7.9. Aksiya o‘tkaziladigan davlat hududida amal qiluvchi qonunchilikda nazarda tutilgan hollarda, Aksiya Tashkilotchisi Aksiya Ishtirokchisi to‘g‘risidagi ma’lumotlarni boshqa uchinchi shaxslarga taqdim etishi shart.
Aksiya Tashkilotchisi Aksiya G‘olibi haqidagi ma’lumotlarni Hamtashkilotchiga yoki Sovg‘alarni berish agentiga, agar ikkinchisi G‘olibga Sovg‘ani taqdim etishi shart bo‘lgan shaxs bo‘lsa, shuningdek, zarur hollarda Sovg‘ani yetkazish va berish maqsadida Transport kompaniyasiga taqdim etishni o‘z zimmasiga oladi.
7.10. Aksiya Tashkilotchisi telekommunikatsiya va energiya tarmoqlaridagi uzilishlar, zararli dasturlar faoliyati, shuningdek, uchinchi shaxslarning Tashkilotchining dasturiy va/yoki apparat tizimiga ruxsatsiz kirish hamda uni ishdan chiqarishga qaratilgan g‘arazli xatti-harakatlari oqibatida o‘z majburiyatlarini bajarmagan yoki lozim darajada bajarmagan hollar uchun javobgar hisoblanmaydi.
7.11. Tashkilotchi Aksiya doirasida zimmasiga olgan majburiyatlarni bajarish uchun uchinchi shaxslarni jalb etishga haqli.
7.12. Aksiya ishtirokchisi Tashkilotchining ishbilarmonlik obro‘siga zarar yetkazishi mumkin bo‘lgan ma’lumotlar, xabarlar, materiallarni Internet tarmog‘ida, ommaviy axborot vositalarida yoki boshqa yo‘llar bilan e’lon qilish, joylashtirish, nashr etish yoki shunday e’lon qilishning sababi va/yoki tashabbuskori bo‘lmaslik majburiyatini oladi (salbiy yozma va og‘zaki sharhlar va boshqalar).
7.13. Aksiya, ushbu Qoidalar, shuningdek, Ishtirokchi/G‘olib, Tashkilotchi, Hamtashkilotchi, Agentning Aksiya bilan bog‘liq sovg‘alarni berish bo‘yicha har qanday faoliyati hududida Aksiya o‘tkazilayotgan davlat qonunchiligi bilan tartibga solinadi. Aksiya bilan bog‘liq har qanday nizolar amaldagi qo‘llaniladigan qonunga muvofiq, hududida Aksiya o‘tkazilayotgan davlat sudida ko‘rib chiqilishi kerak.
7.14. Ushbu Qoidalar Internet tarmog‘ida https://law.2gis.uz/giveaway-rules/ manzilida joylashtirilgan va/yoki mavjud.
06.12.2021-yildagi tahrir.