1. UMUMIY QOIDALAR
1.1. Ushbu qoidalar Aksiyalarni tashkil etish va o‘tkazish tartibini belgilaydi.
1.2. Aksiyalar o‘tkaziladigan hudud – Rossiya Federatsiyasi, Qozog‘iston Respublikasi, O‘zbekiston Respublikasi, Ozarbayjon Respublikasi, Qirg‘iziston Respublikasi, agar muayyan Aksiya qoidalarida boshqacha ko‘rsatilmagan bo‘lsa.
Tanlovlar Rossiya Federatsiyasi Fuqarolik kodeksining 57-bobi ma’nosidagi ommaviy tanlovlar hisoblanmaydi, Qozog‘iston Respublikasi Fuqarolik kodeksining 46-bobi tushunchasidagi tanlov majburiyatlarini anglatmaydi hamda Qirg‘iziston Respublikasi Fuqarolik kodeksining 46-bobi, O‘zbekiston Respublikasi Fuqarolik kodeksining 54-bobi va Ozarbayjon Respublikasi Fuqarolik kodeksining 55-bobi talqinidagi ommaviy tanlovlar sifatida qaralmaydi.
1.3. Aksiyalarning Tashkilotchisi “DublGIS” MChJ, “2GIS LIMITED” kompaniyasi bo‘lishi mumkin, bu har bir aniq Aksiya Qoidalarida alohida belgilab qo‘yiladi.
1.3.1. “DublGIS” MChJ
STIR 5405276278
KPP (Soliq organlarida hisobga olish sababining kodi) 997750001
OGRN (yuridik shaxsning asosiy davlat ro‘yxatdan o‘tkazish raqami) 1045401929847
Yuridik manzili: 630048, Novosibirsk sh., Karl Marks maydoni, 7-uy, 13-qavat
Bank: SIBIR BANKI “SBERBANK ROSSII” OAJ, NOVOSIBIRSK SHAHRI
hisob raqami 40702810744050005734
kоrr. hisob raqami 30101810500000000641
BIK 045004641
Yuridik manzili: 630032, Novosibirsk sh., 35-abonent qutisi
Telefon: (383) 363-05-55
1.3.2. “2GIS LIMITED” kompaniyasi
Ro‘yxatdan o‘tkazish raqami НЕ 305197
Manzil: 27 Evagoru A, 11-idora, Nikosiya 1066 Kipr
Bank: HELLENIC BANK PUBLIC COMPANY LIMITED
Bank rekvizitlari:
Hisob raqami 140-07-605695-02
IBAN CY36 0050 0140 0001 4007 6056 9502 RUB
SWIFT: HEBACY2N
“HELLENIC BANK PUBLIC COMPANY LIMITED”da
SWIFT: HEBACY2N
Ro‘yxatdan o‘tkazish raqami: 6771
Ro‘yxatdan o‘tgan idora: Corner Limassol Ave. & 200 Athalassas Ave., 2025 Strovolos, Nicosia, Cyprus
1.4. Hamtashkilotchilar, Hamkorlar va o‘tkazish joylari haqidagi ma’lumotlar aniq Aksiya Qoidalarida ko‘rsatiladi.
 
1.5. Aksiyani o‘tkazishning maqsadlari har bir aniq Aksiyaning Qoidalarida ko‘rsatiladi.
1.6. Aksiya maqsadlarida quyidagi atamalar quyidagi ma’noda qo‘llaniladi.
1.6.1. 2GIS Mahsulotlari mavjud bo‘lgan shaharlar – Aksiya o‘tkazilayotgan davlatlarda joylashgan shaharlar va/yoki aholi punktlari bo‘lib, ularning xususiyatlari asosida 2GIS Mahsulotlari yaratilgan. Zarur hollarda, 2GIS Mahsulotlari mavjud bo‘lgan shaharlar ro‘yxati muayyan Aksiya qoidalarida ko‘rsatiladi.
1.6.2. Aniqlik (Xato haqida xabar berish) – 2GIS Mahsulotlarida ma’lumot mavjud emasligi yoki ularda keltirilgan ma’lumotlarning haqiqatga mos kelmasligi to‘g‘risidagi xabar.
1.6.3. Aksiya internet-sahifa – muayyan Aksiya qoidalarida belgilangan 2GIS Mahsulotining domen maydonida joylashtirilgan internet-sahifa va (yoki) mobil ilovasidagi bo‘lim.
 
1.6.4. Kontent – Ishtirokchilar tomonidan kiritilgan Fotosuratlar, Sharhlar va Aniqliklar.
1.6.5. 2GIS onlayn-servislari – 2GIS Dasturiy Mahsulotlari va Tashkilotchining apparat vositalari to‘plami, shu jumladan Saytdan foydalangan holda Foydalanuvchilarga kirish imkoniyati taqdim etiladigan materiallar, vositalar, xizmatlar.
1.6.6. Tashkilotlar haqida sharhlari – yuridik shaxslar / yakka tartibdagi tadbirkorlar (tashkilotlar) bilan hamkorlik natijasida mijozlarning tajribasi haqida foydalanuvchilarning fikrlari bo‘lib, ular haqida ma’lumotlar Tashkilotlar ma’lumotnomada mavjud bo‘lib, tashkilot profili bilan bog‘langan va foydalanuvchilarni tashkilotlarning sotiladigan tovarlari, ishlari, xizmatlari haqida xabardor qilish maqsadida foydalanuvchi tomonidan joylashtiriladi.
1.6.7. Obyektlar haqida sharhlari – foydalanuvchilarning tabiiy obyektlar (ko‘l, daryo va boshqalar) va/yoki inson faoliyati natijasi bo‘lgan obyektlar: bino, inshoot, bog‘lar, xiyobonlar, ko‘chalar, boshqa obyektlar haqidagi fikrlari; bu ma’lumotlar 2GIS Mahsulotlarida mavjud.
1.6.8. G‘olib –– ushbu Qoidalarga va/yoki muayyan Aksiya qoidalariga muvofiq e’tirof etilgan, Ishtirokchining talablariga mos keladigan Aksiya Ishtirokchisi (keyinchalik – Ishtirokchi).
1.6.9. Sovg‘a – agar muayyan Aksiya qoidalarida boshqacha tartib nazarda tutilmagan bo‘lsa, Aksiya shartlariga muvofiq G‘olibga/G‘oliblarga topshirish uchun mo‘ljallangan mulk, sertifikat ko‘rinishidagi mukofot.
1.6.10. Aksiya sovg‘a fondi – Aksiya shartlariga muvofiq G‘oliblarga topshirish uchun mo‘ljallangan Sovg‘alar to‘plami.
1.6.11. Foydalanuvchi – 2GIS Dasturiy Mahsulotlari va/yoki 2GIS onlayn-servislaridan foydalanishni amalga oshiruvchi, muomalaga layoqatli jismoniy shaxsdir.
1.6.12. 2GIS Dasturiy Mahsulotlari – o‘z tarkibiga 2GIS Mahsulotlarini, shuningdek, ularning tarkibiga kiruvchi yoki ular bilan birgalikda ishlatiladigan har bir kompyuter dasturi yoki alohida ma’lumotlar bazasini qamrab olgan 2GIS Dasturiy majmualardir, shuningdek, ularning barcha keyingi yangilanishlari va o‘zgartirishlari stol usti va cho‘ntak shaxsiy kompyuterlar, mobil telefonlar, kommunikatorlar va smartfonlarda foydalanish uchun mo‘ljallangan.
1.6.13. 2GIS Mahsulotlari – tashkilotlar ma’lumotnomalar va/yoki raqamli xaritalar bo‘lib, ular Iste’molchining qurilmalariga o‘rnatiladigan alohida nusxalar tarzida tarqatilishi yoki ularga tarmoq orqali kirishni ta’minlashi mumkin.
1.16.14. Ijtimoiy tarmog'i – ijtimoiy munosabatlarni qurish, aks ettirish va tashkil etishga mo‘ljallangan platforma, onlayn servis yoki veb-sayt bo‘lib, ularning tasviriy ifodasi ijtimoiy grafiklar hisoblanadi. VKontakte (Internet-sayti www.vk.com), Facebook (Internet-sayti www.facebook.com), Odnoklassniki (https://ok.ru/), Twitter (https://twitter.com/).
 
1.6.15. Tashkilotlar ma’lumotnoma – 2GIS Mahsulotlari mavjud bo‘lgan shahar hududida joylashgan tashkilotlar va yakka tartibdagi tadbirkorlar, shuningdek, egasining ixtiyoriga ko‘ra boshqa tashkilotlar to‘g‘risidagi ma’lumotlar, ularning nomi, joylashgan joyi, telefonlari, elektron pochta manzillari va saytlari, ishlab chiqariladigan va sotiladigan tovarlar (bajariladigan ishlar, ko‘rsatiladigan xizmatlar) turlari haqidagi ma’lumotlarni o‘z ichiga olgan elektron ma’lumotnoma.
1.6.16. Elektron ma’lumotnoma – 2GIS Mahsulotlarini shaxsiy kompyuterlar va mobil qurilmalar uchun moslashtirilgan versiyalarda o‘z ichiga olgan elektron nashr.
1.6.17. Internet-maydoncha – muayyan tarmoq manzilida joylashgan veb-sayt bo‘lib, unda API 2GIS Ma’lumotnoma servislaridan foydalanib olingan 2GIS Mahsulotlari Iste’molchilarga taqdim etiladi.
1.6.18. Veb-ilova – Iste’molchining abonent qurilmasiga o‘rnatilgan EHM uchun dastur (shu jumladan mobil qurilmalar uchun dastur), uning yordamida API servislaridan foydalangan holda 2GIS Mahsulotlari ko‘rsatiladi va/yoki Iste’molchilar e’tiboriga boshqa shaklda taqdim etiladi.
1.6.19. Sayt – quyidagi manzillardagi domenlarda joylashtirilgan internet-saytlar: 2gis.ru, 2gis.kz, 2gis.kg, 2gis.uz, 2gis.az, shuningdek, yuqorida ko‘rsatilgan domenlarga kiruvchi boshqa domenlarda.
 
1.6.20. Qurilmalar – mobil telefon, smartfon, kommunikator, shaxsiy kompyuter, ko‘chma shaxsiy kompyuter, planshetli shaxsiy kompyuter bo‘lib, ular 2GIS Dasturiy Mahsulotlarini o‘z xotirasiga yuklash (qayta ishlatish) va/yoki o‘rnatish/ishga tushirish uchun mo‘ljallangan.
 
1.6.21. Raqamli reja – 2GIS Mahsulotlari mavjud bo‘lgan shahar hududidagi geografik obyektlar va aholi punktlari haqidagi geoaxborot ma’lumotlarini o‘z ichiga olgan, muayyan geografik koordinatalar bilan chegaralangan elektron xarita.
1.6.22. Fotosuratlar – tashkilotlarning rasmlari, obyektlarning surati va boshqa turli xil fotolavhalar, jumladan yo‘l voqealari (masalan, avariyalar, ta’mirlash ishlari va hokazo) bilan bog‘liq bo‘lgan suratlar.
1.6.23. Tashkilotlarning fotosuratlari – yuridik shaxs/yakka tartibdagi tadbirkor (tashkilot) faoliyatiga aniq aloqador bo‘lgan fotosuratlar bo‘lib, ular haqidagi ma’lumotlar Tashkilotlar ma’lumotnomasida mavjud, tashkilot profili bilan bog‘langan va Iste’molchilarni tashkilot va u amalga oshiradigan faoliyat haqida xabardor qilish maqsadida joylashtiriladi.
1.6.24. Obyektlarning fotosuratlari – fotografik jarayon natijasida olingan tabiiy obyekt (ko‘l, daryo va boshqalar) va/yoki inson faoliyati natijasi bo‘lgan obyektning tasviri: bino, inshoot, bog‘lar, xiyobonlar, ko‘chalar, boshqa obyektlar; ular haqidagi ma’lumotlar 2GIS Mahsulotlarida mavjud. Obyektlarning fotosuratlari tabiiy yoki inson faoliyati natijasida yaratilgan obyekt haqida umumiy taassurot uyg‘otishi, shuningdek, joyda mo‘ljal olishda yordam berishi lozim.
1.7. Tashkilotchi potensial Ishtirokchilarni Aksiya o‘tkazilishi haqida quyidagi usullar bilan xabardor etadi:
– mazkur Qoidalarni Saytga joylashtirish orqali;
– “Vkontakte”, “Facebook”, “Odnoklassniki”, “Twitter” ijtimoiy tarmoqlarida Aksiya to‘g‘risidagi e’lonni joylash orqali;
– shuningdek, Tashkilotchining xohishiga ko‘ra boshqa usullar bilan va/yoki muayyan Aksiya qoidalarida ko‘rsatilgan yo‘llar orqali.
1.8. Aksiyada ishtirok etish ixtiyoriy bo‘lib, Ishtirokchilarning ushbu Qoidalar bilan, shuningdek, saytda joylashtirilgan va/yoki mavjud bo‘lgan hujjatlar bilan tanishib chiqqanligi va so‘zsiz, qaytarib olinmaydigan roziligini anglatadi: Litsenziya kelishuvi (http://law.2gis.ru/licensing-agreement/, http://law.2gis.kz/licensing-agreement/, http://law.2gis.kg/licensing-agreement/, http://law.2gis.uz/licensing-agreement/, http://law.2gis.az/licensing-agreement/), 2GIS servislaridan foydalanish to‘g‘risidagi Kelishuvi (http://law.2gis.ru/rules/, http://law.2gis.kz/rules/, http://law.2gis.kg/rules/, http://law.2gis.uz/rules/, http://law.2gis.az/rules/ ), Maxfiylik siyosati (http://law.2gis.ru/privacy/,http://law.2gis.kz/privacy/, http://law.2gis.kg/privacy/, http://law.2gis.uz/privacy/, http://law.2gis.az/privacy/) va Axborot materiallariga qo‘yiladigan talablarga (http://law.2gis.ru/informational-requirements/, http://law.2gis.kz/informational-requirements/, http://law.2gis.kg/informational-requirements/, http://law.2gis.uz/informational-requirements/, http://law.2gis.az/informational-requirements/).

2. AKSIYANI O‘TKAZISH MUDDATLARI
2.1. Aksiyani o‘tkazish muddatlari, shuningdek sovg‘alarni berish muddatlari, sovg‘alarni berish joylari muayyan Aksiya Qoidalarida ko‘rsatiladi.

3. SOVG‘A FONDI TO‘G‘RISIDAGI NIZOMLAR
3.1. Aksiya Sovg‘a Fondining tarkibi tegishli Aksiya Qoidalarida ko‘rsatiladi.

4. AKSIYA ISHTIROKCHILARIGA TALABLARI
4.1. Aksiya Ishtirokchisi bo‘lish uchun jismoniy shaxs bir vaqtning o‘zida quyidagi talablar majmuiga javob berishi va quyidagi harakatlarni bajargan bo‘lishi lozim:


4.1.1. 18 yoshga to‘lgan, muomalaga layoqatli hamda Aksiya o‘tkaziladigan hudud mamlakatining fuqarosi bo‘lgan shaxs.
Agar Aksiya o‘tkazilayotgan davlat hududida amal qiluvchi qonunchilikka muvofiq, jismoniy shaxsning to‘liq huquq va layoqatga ega bo‘lishini, jumladan fuqarolik va soliq munosabatlarida ham belgilovchi voyaga yetish yoshi 18 yoshdan yuqori etib belgilangan bo‘lsa, Aksiya ishtirokchisi sifatida faqat shu davlat qonunchiligida belgilangan voyaga yetish yoshiga yetgan jismoniy shaxs qatnashishi mumkin, biroq har qanday holatda ham kamida 18 yoshga yetgan bo‘lishi shart.
Ushbu Qoidalarga muvofiq Aksiyada ishtirok etish huquqini beruvchi yoshga yetmagan shaxslar Aksiya Ishtirokchilari deb hisoblanmaydi va Sovg‘a olish huquqiga ega emaslar.
4.1.2. ro‘yxatdan o‘tgan Iste’molchi va ijtimoiy tarmoqlardan biri (“Vkontakte”, “Facebook”, “Odnoklassniki”, “Twitter”) yoki “Google” qidiruv tizimida akkauntga ega bo‘lgan shaxs.
Ro‘yxatdan o‘tish paytida Iste’molchi tomonidan taqdim etilgan ma’lumotlar aniq, to‘g‘ri va dolzarb (ishonchli) bo‘lishi shart.
Aksiya g‘olibi deb e’tirof etilgan Ishtirokchini va Sovg‘ani olishga talabgor shaxsni (Sovg‘ani olish uchun Tashkilotchiga murojaat qilgan yoki Sovg‘ani olish niyatini boshqacha tarzda bildirgan) identifikatsiya qilish (ayniyatni aniqlash) imkoni bo‘lmaganda, shu jumladan Ishtirokchining o‘z Profilida ko‘rsatilgan ma’lumotlari Sovg‘ani olishga talabgor G‘olib tomonidan taqdim etilgan ma’lumotlarga to‘liq yoki qisman mos kelmaganda, Aksiya Ishtirokchisi Tashkilotchi tomonidan unga Aksiya yakunlari bo‘yicha Sovg‘ani topshirishni rad etish xavfini o‘z zimmasiga oladi.
4.2. Aksiya Ishtirokchilariga qo‘yilgan talablarga mos kelmaydigan shaxslar Aksiya Ishtirokchisi sifatida tan olinmaydi va Sovg‘ani olish huquqiga ega bo‘lmaydi.
4.3. Ushbu Qoidalarda nazarda tutilgan talablarni, shu jumladan Aksiya Ishtirokchilariga qo‘yiladigan talablarni buzish, Aksiya davomida aniqlangan bo‘lsa, Aksiya Ishtirokchisi maqomining haqiqiy emasligiga olib keladi (diskvalifikatsiya).
4.4. Aksiya Ishtirokchilariga Tashkilotchining xodimlari va vakillari, ularga aloqador shaxslar, ularning oila a’zolari, shuningdek Aksiyani tashkil etish va o‘tkazishga daxldor boshqa yuridik shaxslar va/yoki yakka tartibdagi tadbirkorlarning xodimlari hamda ularning oila a’zolari kiritilmaydi.

5. KONTENTGA TALABLARI
5.1. Kontentga umumiy talablari
5.1.1. Aksiyada qatnashish Aksiya Ishtirokchisi tomonidan Saytga Kontent qo‘shilishini anglatishi mumkin.
5.1.2. Aksiyada ishtirok etish uchun 2GIS servislaridan foydalanish Kelishuviga, Axborot materiallariga qo‘yiladigan talablarga hamda ushbu Qoidalarga muvofiqligini tekshirish (moderatsiya)dan o‘tgan Fotosuratlar, Sharhlar va Aniqliklar qabul qilinadi. Kontentni tekshirish (moderatsiya) Tashkilotchi tomonidan amalga oshiriladi.
5.1.3. Aksiya tashkilotchisi, agar Kontentni yuklagan shaxs Aksiya Ishtirokchisiga qo‘yiladigan talablarga javob bermasa va/yoki u yoki bu Fotosurat, Aniqlik, Sharh 2GIS servislaridan foydalanish Kelishuvi talablariga va/yoki Axborot materiallariga qo‘yiladigan talablariga va/yoki ushbu Qoidalarga mos kelmasa, Tashkilotchi tomonidan tekshirish (moderatsiya) jarayonida ham, ular Saytga kiritilgandan so‘ng ham Aksiyada ishtirok etish doirasida taqdim etilgan Fotosuratlar, Sharhlar, Aniqliklarni rad etish huquqini o‘zida saqlab qoladi. Tashkilotchi Fotosuratlar, Sharhlar, Aniqliklarni rad etish sabablarini ham, Fotosuratlar, Sharhlar, Aniqliklarni o‘chirish sabablarini ham, shu jumladan ular Saytga kiritilgandan so‘ng ham Ishtirokchilarga ma’lum qilmaslik huquqiga ega.
5.1.4. Aksiyada qatnashish uchun majburiy shart Aksiya o‘tkaziladigan hudud davlatlarining qonunchiligiga rioya qilishdan iboratdir.
5.2. Suratlarga talablari
5.2.1. Fotosurat alkogolli ichimliklar va tamaki mahsulotlarini iste’mol qilish yoki tarqatishni targ‘ib qilmasligi, fuqarolarning sha’ni va qadr-qimmatini kamsitmasligi, g‘ayriqonuniy xatti-harakatlar, shafqatsizlik yoki zo‘ravonlikka undamasligi, hamda fuqarolarning diniy his-tuyg‘ularini haqoratlamasligi lozim.
5.2.2. Fotosuratlarda odobsiz va haqoratli tasvirlar, tasvirlar, o‘xshatishlar va iboralardan foydalanishga, shu jumladan inson va fuqaroning jinsi, irqi, millati, kasbi, ijtimoiy mavqeyi, yoshi, tili, shuningdek rasmiy davlat ramzlari (bayroqlar, gerblar, madhiyalar), diniy ramzlar, Rossiya Federatsiyasi xalqlarining madaniy meros obyektlari (tarixiy va madaniy yodgorliklar), Aksiya o‘tkaziladigan hududdagi davlatlarning madaniy merosi, hamda YUNESKOning Butunjahon merosi ro‘yxatiga kiritilgan madaniy meros obyektlari va shu kabilarga nisbatan ham amal qiladi.
5.2.3. Boshqa Ishtirokchilar tomonidan yaratilgan yoki foydalanish huquqi uchinchi shaxslarga (mualliflar va boshqa huquq egalariga) tegishli bo‘lgan Fotosuratlardan nusxa ko‘chirish, qayta ishlash orqali yoki boshqa usulda foydalanishga ruxsat berilmaydi. Fotosuratni yuborgan Ishtirokchi, mazkur fotosurat Aksiya o‘tkazilishidan oldin tijorat maqsadida chiqarilmaganligi va tarqatilmaganligini kafolatlaydi.
5.2.4. Fotosuratlarga raqamli ishlov berish (qayta ishlash) tasvirning mazmuniga putur yetkazmasligi lozim. Fotosuratlar qo‘shimcha ramkalar, suv belgilari, imzolar, bezak elementlari va shu kabilardan xoli bo‘lishi kerak. Fotosuratlarga obyektlar yoki ularning qismlarini qo‘shish yoxud olib tashlash mumkin emas.
5.3. Sharhlarga talablarI
5.3.1 Sharhlar Ishtirokchining shaxsiy mijoz tajribasini o‘z ichiga olishi kerak. Quyidagilar mijoz tajribasi hisoblanmaydi: tashkilot vakilining tovarlar yoki xizmatlarni taqdim etishdan bosh tortishi (masalan: bank yoki lombardning kredit/qarz berishdan bosh tortishi, klinikaning shifokorni uyga yuborishdan bosh tortishi, tegishli tovarni pasport ko‘rsatmasdan sotishdan bosh tortishi, shuningdek, Aksiya o‘tkaziladigan hudud davlatlari qonunchiligi talablariga muvofiq yoki boshqa sabablarga ko‘ra har qanday boshqa rad etish), shuningdek, tashkilot ish vaqtida biror sababga ko‘ra ishlamagan (yopilgan) holatlar, telefon orqali maslahatlar. Agar xizmat keyinchalik olingan bo‘lsa, u haqidagi sharhda oldingi rad etish holati tilga olinishi mumkin.
5.3.2. Sharhlarda beadab so‘zlar, o‘zini o‘zi reklama qilish, insofsiz raqobat va qora PR, shaxsiy ma’lumotlarni (shu jumladan pasportlar, tibbiy kartalar skanerlari va boshqalar) e’lon qilish, sharh o‘rniga sharh bo‘lmagan va muayyan tashkilotning ishiga bag‘ishlanmagan matnni e’lon qilishga yo‘l qo‘yilmaydi. Shaxsiy mijoz tajribasiga asoslanmagan sharhlar taqiqlanadi: do‘stlar, tanishlar yoki uchinchi shaxslarning so‘zlaridan kelib chiqib vaziyatni tasvirlash, nashrlar, reklamalar va shu kabilar asosida tashkilot faoliyati haqida xulosa chiqarish man etiladi. Shuningdek, bitta tashkilot haqida ketma-ket bir nechta bir xil sharhlarni yoki bitta tashkilotning barcha filiallari yoxud turli tashkilotlar haqida bir xil sharhlarni (nusxalarni) e’lon qilish ham taqiqlanadi. Boshqalarning sharhlariga javob tariqasida sharh qoldirish man etiladi. Umumiy qabul qilingan imlo va tinish belgilari qoidalarini ataylab buzish, bosh va kichik harflarni aralashtirib yozish, hamda asosan yuqori registrda (“caps lock” bilan) yozilgan sharhlarni joylashtirish taqiqlanadi. Aksiya o‘tkaziladigan Hudud davlatlarining amaldagi qonunchiligini buzishga chaqiruvchi har qanday materiallarni nashr etish taqiqlanadi.
5.4. Aniqliklarga talablari
5.4.1. Aniqliklar haqiqiy ma’lumotlarga mos kelishi, dolzarb, to‘g‘ri va ishonchli bo‘lishi lozim.

6. TASHKILOTCHI, HAMTASHKILOTCHI VA ISHTIROKCHILARNING HUQUQ VA MAJBURIYATLARI
6.1. Tashkilotchi quyidagi huquqqa ega:
6.1.1. Qoidalarga bir tomonlama tartibda o‘zgartirish kiritish. Qoidalarning yangi versiyasi u Saytga joylashtirilgan paytdan boshlab amal qiladi va barcha huquqiy munosabatlarga, shu jumladan Qoidalarning so‘nggi tahriri Saytga joylashtirilgunga qadar yuzaga kelgan huquqiy munosabatlarga nisbatan, agar yangi versiyada boshqacha holat to‘g‘ridan-to‘g‘ri ko‘rsatilmagan bo‘lsa, mazkur Qoida amal qiladi;
6.1.2. Agar biror sababga ko‘ra Aksiya rejalashtirilganidek o‘tkazilmasa, shu jumladan Aksiya Tashkilotchisi tomonidan nazorat qilinmaydigan, Aksiyaning bajarilishi, halolligi, yaxlitligi yoki lozim darajada o‘tkazilishini buzadigan yoki unga ta’sir ko‘rsatadigan har qanday sabab tufayli Aksiya o‘tkazilishini bir tomonlama to‘xtatish yoki vaqtincha to‘xtatib turish huquqiga ega. Aksiyaning muddatidan oldin tugatilishi yoki to‘xtatilishi da’vo qilishga asos bo‘la olmaydi.
6.1.3. Aksiya Tashkilotchisi muayyan Aksiya Qoidalarida belgilangan tartibga muvofiq Aksiya G‘olibini aniqlashi shart.
6.1.4. G‘olib aniqlangandan keyin, ushbu Ishtirokchining Aksiya qoidalariga rioya qilganligi tekshirilishi lozim. Agar G‘olib ushbu Qoidalarni buzganligi aniqlansa, Tashkilotchi unga Sovg‘ani topshirishni rad etishga haqli.
6.1.5. Aksiya Tashkilotchisi Aksiya Ishtirokchisiga ro‘yxatdan o‘tishda foydalangan Ijtimoiy tarmoq / qidiruv tizimi akkauntiga (elektron manziliga), shuningdek, Ijtimoiy tarmoqda ko‘rsatilgan elektron pochta manziliga Axborot xabarlarini yuborish huquqiga ega.
6.1.6. Aktsiya Tashkilotchisi Aktsiyaning G‘olibi (G‘oliblari)ga Qoidalarga muvofiq belgilangan Sovg‘alarni taqdim etishi shart. 
6.1.7. G‘olib Sovg‘adan voz kechgan taqdirda, shuningdek, G‘olib Sovg‘ani muayyan Aksiya Qoidalarida belgilangan muddatda talab qilmagan hollarda, Tashkilotchi Sovg‘adan o‘z xohishiga ko‘ra foydalanish huquqiga ega.
6.1.8. Aksiya o‘tkaziladigan Hudud davlatlarining qonunchiligida nazarda tutilgan hollarda, Aksiya Ishtirokchisi haqidagi ma’lumotlarni uchinchi shaxslarga taqdim etish huquqiga ega bo‘lish.
6.1.9. Tashkilotchi ushbu Qoidalarda ko‘zda tutilgan holatlar bundan mustasno, Aksiya Ishtirokchilari bilan yozma muzokaralar yoki boshqa aloqalar o‘rnatmaslik huquqini o‘zida saqlab qoladi.
6.1.10. Tashkilotchi Aksiya o‘tkaziladigan Hudud davlatlarining qonunchiligida ko‘zda tutilgan shaxsiy ma’lumotlar to‘g‘risidagi qoidalarga albatta rioya etishi lozim.
6.1.11. Tashkilotchi Aksiyaning Internet-sahifasida Aksiyani o‘tkazish uchun texnik imkoniyatlarni ta’minlaydi, shuningdek Qoidalarning ushbu tahririni Saytga joylashtirishni amalga oshiradi.
6.2. Aksiya Ishtirokchisi quyidagi huquqqa ega:
6.2.1. Ushbu Qoidalarga muvofiq ravishda Aksiyada ishtirok etish;
6.2.2. Aksiya o‘tkazilish muddatlari va shartlari haqida ma’lumot olish;
6.2.3. Muayyan Aksiya Qoidalarida ko‘rsatilgan elektron pochta manziliga ixtiyoriy shaklda yozma xabarnoma yuborish orqali istalgan vaqtda Aksiyada qatnashishdan voz kechish mumkin.
6.2.4. Ishtirokchi G‘olib deb e’tirof etilgan taqdirda, u Sovg‘ani qabul qilishi yoki undan voz kechishi mumkin.
6.2.5. Ijtimoiy tarmoqlardagi sahifalarida/sahifalarida Aksiyani o‘tkazish to‘g‘risidagi axborot xabarlarini va Ijtimoiy tarmoqlardagi sahifalarida Aksiya to‘g‘risidagi ma’lumotlar bilan Aksiyaning Internet-sahifasiga havola qiluvchi havolalarni joylashtirish.
6.2.6. 2GIS Mahsulotlari mavjud bo‘lgan har qanday shaharga tegishli saytlarda kontentni joylashtirish, biroq bu Aksiya o‘tkaziladigan hudud doirasida bo‘lishi lozim.
6.2.7. Aksiyada qatnashish Ishtirokchining quyidagilarga roziligini anglatadi: agar u ishtirok etib, G‘olib deb topilsa, uning familiyasi, ismi, fotosuratlari va u haqidagi boshqa materiallardan Tashkilotchi/Hamtashkilotchi tomonidan bepul foydalanish mumkin, jumladan:
– Saytda e’lon qilingan;
– “Vkontakte”, “Facebook”, “Odnoklassniki”, “Twitter” ijtimoiy tarmoqlarida;
– ommaviy axborot vositalarida Aksiya bilan bog‘liq ma’lumotlar sifatida e’lon qilingan.
6.2.8. Ishtirokchi Aksiyada qatnashish bilan bog‘liq o‘z huquqlarini uchinchi shaxsga o‘tkazishi va/yoki boshqa usul bilan topshirishi mumkin emas.
6.2.9. Ishtirokchining Aksiyada qatnashish uchun dolzarb bo‘lmagan (noto‘g‘ri) va (yoki) noaniq (noto‘g‘ri) ma’lumotlarni taqdim etishi Aksiya Tashkilotchisini Sovg‘ani G‘olibga topshirish majburiyatidan ozod qiladi.

7. AKSIYANI O‘TKAZISH MEXANIKASI
7.1. Aksiyani o‘tkazishning mexanikasi har bir aniq Aksiyaning Qoidalarida ko‘rsatiladi.

8. INTELLEKTUAL MULK HUQUQI
8.1. Aksiyada qatnashish orqali Ishtirokchi quyidagilarni kafolatlaydi:
– U Aksiyada taqdim etilgan Kontentning qonuniy huquq egasi bo‘lib, unga nisbatan mutlaq huquqqa egalik qiladi;
– Kontent Aksiya o‘tkazilayotgan hududning qonunchiligini buzmaydi, haqoratli ma’lumotlarni o‘z ichiga olmaydi, shuningdek, axloqiy tamoyillar va umume’tirof etilgan qadriyatlarga zid bo‘lgan ma’lumotlardan xoli;
– Kontentning mazmuni uchinchi shaxslarning huquqlarini buzmasligi;
– Tashkilotchiga uchinchi shaxslar tomonidan Kontent foydalanishiga doir e’tirozlar bildirilgan taqdirda, Aksiya Ishtirokchisi mazkur e’tirozlarni bildirgan shaxslar bilan barcha bahsli masalalarni mustaqil ravishda va o‘z mablag‘i hisobidan hal etish majburiyatini o‘z zimmasiga oladi;
– Agar uchinchi tomonlar sud yoki boshqa tartibda Tashkilotchining Kontentdan foydalanish huquqlariga e’tiroz bildirsa, Ishtirokchi tegishli Tashkilotchi tomonida muhokamada qatnashishi va tegishli Tashkilotchi tomonidan Kontentdan foydalanishning qonuniyligini isbotlashi shart;
– Agar Ishtirokchi Kontentdan foydalanish va uni tasarruf etishning qonuniyligini isbotlay olmasa va Tashkilotchi javobgarlikka tortilsa, u holda Ishtirokchi nizoni ko‘rib chiqayotgan sud va/yoki boshqa organning qarori kuchga kirgan kundan boshlab 10 (o‘n) kalendar kun ichida sud xarajatlarini, Tashkilotchidan uchinchi shaxs foydasiga undirilishi kerak bo‘lgan summani, sud jarayoni bilan bog‘liq boshqa xarajatlarni, shu jumladan sud vakillari xizmatlari xarajatlarini Tashkilotchiga qoplashi shart;
– Tashkilotchi mazkur Qoidalar shartlariga ko‘ra Kontentdan foydalanganlik uchun uchinchi shaxslarga qo‘shimcha haq to‘lash majburiyatidan ozod etiladi;
– Tashkilotchi Kontentdan anonim tarzda, ya’ni mualliflar va boshqa ijodkorlarning ismlarini ko‘rsatmasdan foydalanish huquqiga ega;
– Tashkilotchiga Kontentni oshkor qilish huquqi berilgan, ya’ni Kontentni e’lon qilish orqali uni birinchi marta keng jamoatchilikka ma’lum qiladigan harakatni amalga oshirish yoki bunday harakatga rozilik berish huquqiga ega;
− Tashkilotchi Kontentga o‘zgartirishlar, qisqartirishlar va qo‘shimchalar kiritish huquqiga ega; shuningdek, Kontentdan foydalanish jarayonida uni izohlar va tushuntirishlar bilan ta’minlash huquqiga ham egadir. Bu bilan Ishtirokchi Kontentdan bunday foydalanish asarning daxlsizlik huquqini buzmasligini tasdiqlaydi.
8.2. Tashkilotchiga mualliflik va/yoki turdosh huquqlar egalari, ularning vakolatli vakillari yoki uchinchi shaxslar tomonidan Kontentdan foydalanish bo‘yicha da’volar bildirilgan taqdirda, Ishtirokchi mazkur da’volarni bildirgan uchinchi shaxslar bilan barcha bahsli masalalarni o‘z mablag‘i hisobidan hal etish majburiyatini o‘z zimmasiga oladi.
8.3. Aksiyada qatnashish va Kontentni qo‘shish bo‘yicha harakatlarni amalga oshirish orqali Ishtirokchi Kontentni Saytga qo‘shgan paytdan boshlab Tashkilotchiga Kontentdan mutlaq bo‘lmagan litsenziya asosida, dunyoning barcha mamlakatlari hududida Kontentga bo‘lgan mutlaq huquqning butun amal qilish muddati davomida, Rossiya Federatsiyasi Fuqarolik kodeksining 1270-moddasi 2-bandi, Qozog‘iston Respublikasi Fuqarolik kodeksining 964-moddasi 2-bandi, Qirg‘iziston Respublikasi Fuqarolik kodeksining 1040-moddasi 1-bandi, O‘zbekiston Respublikasi Fuqarolik kodeksi, Ozarbayjon Respublikasi Fuqarolik kodeksida nazarda tutilgan barcha usullar bilan bepul foydalanish huquqini beradi, shu jumladan:
1) 2GIS Dasturiy mahsulotlari tarkibida Kontentdan foydalanish, shuningdek, cheklanmagan doiradagi shaxslarga bevosita yoki bilvosita kirish imkoniyatini taqdim etish;
2) 2GIS dasturiy mahsulotlarida Kontentni qayta ishlab chiqarish, Kontentni oldindan o‘rnatish (ijro etish) va aks ettirish;
3) 2GIS Dasturiy mahsulotlari tarkibida Kontentni tarqatish, shu jumladan elektron vositalar orqali tarqatish, butun dunyo bo‘ylab Kontentga ega qurilmalarni fuqarolik muomalasiga kiritish orqali Kontentni mustaqil ravishda yoki uchinchi shaxslarni jalb qilgan holda tarqatish;
4) Kontentni ommaviy namoyish qilish, ommaviy ijro etish, efirga uzatish va barchaning e’tiboriga yetkazish;
5) Kontentni 2GIS Dasturiy mahsulotlariga kiritish va ulardan foydalanish maqsadida moslashtirish, tarjima qilish, o‘zgartirish, hosila yaratish va Kontentni boshqacha tarzda qayta ishlash;
6) Kontentni o‘z ichiga olgan 2GIS Dasturiy mahsulotlarining skrinshotlaridan har qanday maqsadlarda, shu jumladan reklama maqsadlarida foydalanish;
7) Kontentni har qanday shaklda nusxalash, Kontentning qattiq nusxalarini yaratish (plotter, printer yoki boshqa bosma va nusxa ko‘chiruvchi qurilmalarda chop etish) har qanday maqsadda foydalanish uchun, shu jumladan 2GIS dasturiy mahsulotlarini targ‘ib qilish, 2GIS dasturiy mahsulotlari qo‘llanmalarida rasmlar sifatida ishlatish, hamda ularni ko‘paytirish va tarqatish huquqi bilan amalga oshiriladi.
8.4. Ushbu litsenziya Ishtirokchi tomonidan Tashkilotchi tomonidan Kontentidan ustav maqsadlarida Aksiya o‘tkaziladigan Hudud davlatlari qonunchiligida taqiqlanmagan har qanday usulda, shu jumladan quyidagilar orqali foydalanish uchun taqdim etiladi:
– Aksiyani o‘tkazish vaqtida ko‘rsatish;
– jurnallarda hamda bosma va elektron ommaviy axborot vositalarida e’lon qilish;
– Aksiyada qatnashish uchun taqdim etilgan Kontentni, Aksiya o‘tkazilgan kundan boshlab besh yil davomida o‘z arxivlarida (elektron yoki boshqa formatlarda) saqlash;
– Kontentni Tashkilotchi va/yoki uning hamkorlarining veb-saytlarida joylashtirish (hammaning e’tiboriga yetkazish);
– Kontentdan fotoalbomlar, axborot bukletlari, raqamli manbalar va Tashkilotchining boshqa mahsulotlari, jumladan, esdalik sovg‘alari uchun foydalanish.
8.5. Ushbu Qoidalarga muvofiq, Aksiya Ishtirokchisi Tashkilotchiga ushbu Qoidalarga muvofiq Ishtirokchi tomonidan o‘ziga berilgan barcha yoki har qanday huquqlarni sub-litsenziyalash va uchinchi shaxslarga o‘tkazish huquqini beradi, bunda Tashkilotchi o‘z sub-litsenziatlarining barcha harakatlari va harakatsizligi uchun javobgar bo‘lmasligi shart.
8.6. Aksiya Ishtirokchilari Kontentni qo‘shishlari bilanoq, o‘z ismlari va Aksiyaga taqdim etgan Kontentlaridan Tashkilotchi foydalanishiga avtomatik ravishda rozilik bergan hisoblanadi.

9. SOVG‘ALARNI TOPSHIRISH TARTIBI
9.1. Sovg‘alar Rossiya Federatsiyasi fuqarosining pasporti yoki hududida Aksiya o‘tkazilayotgan tegishli davlat qonunchiligi talablariga muvofiq tegishli davlat fuqarosining shaxsini tasdiqlovchi boshqa hujjat (bundan keyin – matnda shaxsni tasdiqlovchi boshqa hujjat deb yuritiladi) taqdim etilganda, shuningdek ushbu Qoidalarning boshqa talablariga rioya qilinganda beriladi.

9.2. Ishtirokchi G‘olib deb e’lon qilingan taqdirda, Ishtirokchi quyidagilarni bajarishga majbur:
– agar Tashkilotchi tomonidan boshqa hujjat ko‘zda tutilmagan bo‘lsa, Sovg‘ani qabul qilish-topshirish dalolatnomasini 2 nusxada imzolash;

– Tashkilotchining vakolatli vakillariga ushbu Qoidalarning.
11.1.4.-bandida sanab o‘tilgan o‘zlarining shaxsiy ma’lumotlarini taqdim etish. Shaxsiy ma’lumotlar qabul qilish-topshirish Dalolatnomasi imzolanguniga qadar taqdim etiladi;
– soliq majburiyatlarini mustaqil ravishda bajarish zarurligi haqidagi Xabarnoma bilan tanishib chiqish.
9.3. G‘olib Aksiyada ishtirok etish va g‘alaba qozonish natijasida Sovg‘ani olish bilan bog‘liq soliq majburiyatlarini o‘z mamlakati hududida o‘zi rezidenti bo‘lgan davlat qonunchiligiga muvofiq mustaqil ravishda bajaradi, xususan, agar Tashkilotchi tomonidan ushbu Qoidalarning 9.8.-bandiga muvofiq boshqacha tartib nazarda tutilmagan bo‘lsa, tegishli soliq organini mustaqil ravishda xabardor qiladi va soliq to‘laydi.
9.4. Agar G‘olib o‘zi haqida noto‘g‘ri ma’lumot bergan, uni o‘z vaqtida taqdim etmagan yoki ushbu Qoidalarning shartlari boshqacha tarzda buzilishiga yo‘l qo‘ygan bo‘lsa, tashkilotchi G‘olibga Sovg‘a berishni rad etish huquqiga ega.
9.5. Shuningdek, Tashkilotchi quyidagi holatlarda Sovg‘ani topshirishni rad etishga haqli:
– o‘zini G‘olib deb tan olinishini va Sovg‘ani olishni talab qilayotgan shaxs aslida G‘olib bo‘lmasa;
– Qoidalarda belgilangan muddat ichida G‘olibdan ushbu Qoidalarning 9.2.-bandiga muvofiq Sovg‘ani topshirish uchun zarur bo‘lgan hujjatlar va ma’lumotlar olinmagan taqdirda.
9.6. Agar Tashkilotchi G‘olib e’lon qilingan paytdan boshlab 2 (ikki) oy ichida Ijtimoiy tarmoqda axborot xabarlari almashish orqali G‘olib deb e’tirof etilgan Ishtirokchi bilan bog‘lana olmasa va/yoki ushbu Qoidalarning 9.2.-bandiga muvofiq sovrinni berish uchun shart bo‘lgan hujjatlar va ma’lumotlarni G‘olibdan ololmasa, sovg‘a talab qilinmagan deb hisoblanadi.
9.7. G‘olibning shaxsiy ma’lumotlariga ishlov berish Tashkilotchi tomonidan tashkilotchi inkorporatsiya qilingan mamlakatning soliq qonunchiligida belgilangan soliq agenti majburiyatlarini bajarish uchun amalga oshiriladi.
9.8. Tashkilotchi tomonidan Sovg‘ani qaytarish va almashtirish amalga oshirilmaydi. Sovg‘ani almashtirish va G‘olibga topshirilayotgan Sovg‘a qiymatining pul ekvivalentini to‘lash Tashkilotchining ixtiyoriga ko‘ra amalga oshiriladi.
9.9. Tashkilotchi Sovg‘alar yangi ekanligini va G‘olibga topshirish paytida uchinchi shaxslarning huquqlaridan xoli ekanligini kafolatlaydi.
9.10. Tashkilotchining kafolati Sovg‘alarga tatbiq etilmaydi. Kafolat holati yuzaga kelganda, G‘olib mahsulot ishlab chiqaruvchisiga murojaat qilishi mumkin.
9.11. Agar G‘olib bilan individual ravishda va/yoki muayyan Aksiya qoidalarida boshqacha kelishilmagan bo‘lsa, G‘olibga Sovg‘a G‘olib shaxsan kelganida beriladi.

10. JAVOBGARLIK

Tashkilotchi Aksiya Ishtirokchilari / G‘oliblari oldida javobgar emas:
10.1. Ishtirokchilar/G‘oliblar tomonidan ushbu Qoidalarda belgilangan majburiyatlarni bajarmaganlik (o‘z vaqtida bajarmaganlik) uchun, shuningdek, Ishtirokchilar/G‘oliblar tomonidan ushbu Qoidalarda ko‘rsatilgan ma’lumotlarni noto‘g‘ri yoki kechiktirib taqdim etganligi uchun.
10.2. Ijtimoiy tarmoq/qidiruv tizimida bloklangan/yopilgan profil (akkaunt) tufayli Ishtirokchi/G‘olib tomonidan Aksiyada g‘alaba qozonganligi to‘g‘risida tegishli bildirishnoma olinmagani uchun.
10.3. Ijtimoiy tarmoqdagi/qidiruv tizimidagi bloklangan/yopilgan profil (akkaunt) sababli G‘olib tomonidan Sovg‘ani olish huquqini beruvchi sertifikatni olmaganligi; noto‘g‘ri ma’lumotlarni, shu jumladan elektron pochta manzilini (e-mail) va/yoki aloqa telefon raqamini ko‘rsatganligi uchun.
10.4. Ishtirokchi/G‘olibning elektron pochta qutisiga xizmat ko‘rsatuvchi kompaniyalar hamda internet-provayderlar faoliyatidagi uzilishlar uchun javobgarlik olinmaydi. Agar Sovg‘ani olish huquqi sertifikati ushbu shaxslarning aybi bilan yo‘qolgan bo‘lsa, Tashkilotchi G‘olibga yuborilgan Sovg‘ani olish huquqini beruvchi sertifikatning yo‘qolishi uchun javobgar bo‘lmaydi.
10.5. Ishtirokchilar/G‘oliblarga bevosita xizmat ko‘rsatuvchi Aloqa operatorlari faoliyatidagi uzilishlar, Ishtirokchi/G‘olib Internet-provayderidagi tizimli nosozliklar va boshqa texnik kamchiliklar, Tashkilotchining Ishtirokchi oldidagi majburiyatlarini bajarish imkonini bermaydigan boshqa kutilmagan holatlar uchun.
10.6. Ishtirokchi/G‘oliblarning mobil raqamlariga xizmat ko‘rsatuvchi uyali aloqa operatorlari faoliyatidagi uzilishlar uchun, bu esa Aksiya doirasida yuborilgan SMS-xabarlarning Ishtirokchi/G‘olib tomonidan qabul qilinmasligiga olib kelgan.
10.7. Ishtirokchilar / G‘oliblar tomonidan taqdim etilgan shaxsiy ma’lumotlarning ishonchliligi uchun.
10.8. Sovg‘ani olish huquqini tasdiqlovchi sertifikatni qo‘lga kiritish imkoniyatini yo‘qqa chiqaruvchi har qanday vaziyat va holatlar, G‘oliblarning harakatlari/harakatsizligi, jumladan, G‘oliblar tomonidan tegishli xabarnomalarning o‘z vaqtida o‘qilmaganligi uchun.
10.9. Telekommunikatsiya va energetika tarmoqlaridagi uzilishlar, zararli dasturlarning ta’siri, shuningdek, uchinchi shaxslarning Tashkilotchining dasturiy va/yoki apparat majmuasiga ruxsatsiz kirish hamda uni ishdan chiqarishga qaratilgan g‘arazli harakatlari natijasida yuzaga kelgan majburiyatlarni bajarmaslik yoki lozim darajada bajarmaslik uchun javobgarlik belgilanadi.
10.10. Aksiya o‘tkaziladigan hududlar davlatlarining qonunchiligida belgilangan fors-major holatlar uchun.
10.11. Aksiya Ishtirokchilari/G‘oliblari xatolarining har qanday oqibatlari, shu jumladan ular ko‘rgan zararlar uchun.
10.12. G‘olibga Aksiyaning Sovg‘a fondini shakllantirishda qatnashi munosabati bilan uni G‘olibga taqdim etishi shart bo‘lgan shaxs tomonidan Sovg‘a berilmaganligi uchun, agar bunday shaxs Aksiya Tashkilotchisining o‘zi bo‘lsa.

11. YAKUNIY QOIDALAR
11.1. Aksiyada qatnashish quyidagilarni anglatadi:
11.1.1. Ishtirokchining Tashkilotchi tomonidan belgilangan ushbu shartlar va Aksiyani o‘tkazish qoidalarini to‘liq va e'tirozsiz qabul qilishi, Aksiyada qatnashish uchun Tashkilotchi tomonidan belgilangan talablarga rozilik berishi va Ishtirokchining Tashkilotchi tomonidan belgilangan shartlar va Aksiyani o‘tkazish qoidalariga rioya qilish majburiyatini olishi;
11.1.2. Aksiya o‘tkaziladigan hudud davlatlarining qonunchiligiga muvofiq Ishtirokchining shaxsiy ma’lumotlarni saqlash va qayta ishlashga roziligi.
11.1.3. Aksiyada qatnashish maqsadida Aksiyaning Internet-sahifasida ro‘yxatdan o‘tib va/yoki Sovg‘ani olish maqsadida pasport ma’lumotlarini va/yoki shaxsni tasdiqlovchi hujjat ma’lumotlarini taqdim etib, Ishtirokchi Aksiya Tashkilotchisiga ushbu Qoidalarning 11.1.4.-bandida sanab o‘tilgan shaxsiy ma’lumotlarni qayta ishlashga ruxsat beradi: to‘plash, yozish, tizimlashtirish, to‘plash, saqlash, aniqlashtirish (yangilash, o‘zgartirish), ajratib olish, foydalanish, uzatish (shu jumladan, qayta ishlashni boshqa shaxslarga topshirish), egasizlantirish, bloklash, o‘chirish, yo‘q qilish.
Rozilik Ishtirokchi o‘zining ro‘yxatga olish ma’lumotlarini xabar qilgan paytdan boshlab ularni Ishtirokchi tomonidan bekor qilguniga qadar amal qiladi. Bekor qilish esa, shaxsiy ma’lumotlarni qayta ishlashni to‘xtatishni talab qiluvchi hujjatni Tashkilotchiga yuborishni nazarda tutadi.
Ushbu Qoidalarning 11.1.4.-bandida ko‘rsatilgan shaxsga doir ma’lumotlarni qayta ishlashga rozilik Ishtirokchi tomonidan Tashkilotchiga, shu jumladan, Aksiyani o‘tkazish munosabati bilan Tashkilotchida yuzaga kelgan yoki yuzaga kelishi mumkin bo‘lgan majburiyatlarni bajarish maqsadida beriladi, jumladan, lekin faqatgina quyidagilar uchun emas:
– Tashkilotchi va/yoki uning vakolatli vakillari tomonidan Aksiya doirasida Ishtirokchilar bilan aloqa o‘rnatish uchun, shu jumladan elektr aloqa tarmoqlari orqali SMS-xabarlar va elektron pochta xatlarini yuborish maqsadida;
– ushbu Qoidalarga muvofiq G‘olib deb topilgan Aksiya Ishtirokchisiga Sovg‘a berish uchun;

– Aksiya o‘tkaziladigan Hudud davlatlarining amaldagi qonunchiligida belgilangan hollarda soliq agenti majburiyatlarini bajarish maqsadida.
11.1.4. G‘olib tomonidan Aksiya tashkilotchisiga taqdim etiladigan shaxsiy ma’lumotlar: 

– Aksiya Ishtirokchisining familiyasi, ismi, otasining ismi (mavjud bo‘lsa);
– jinsi, fuqaroligi;
– biometrik ma’lumotlar;
– Aksiya Ishtirokchisining shaxsini tasdiqlovchi hujjat ma’lumotlari/fuqarolik pasporti ma’lumotlari:
– pasport/shaxsni tasdiqlovchi hujjat seriyasi va raqami,
– berilgan sanasi,
– hujjatlarni bergan organning nomi,
– bo‘linmaning kodi (RF fuqarolari uchun);
– Aksiya Ishtirokchisining tug‘ilgan sanasi va joyi;
– Aksiya Ishtirokchisining yashash joyi bo‘yicha ro‘yxatga olingan manzili;
– Soliq to‘lovchining identifikatsiya raqami (mavjud bo‘lsa) / Aksiya o‘tkazilayotgan mamlakatlardagi soliq to‘lovchining identifikatsiya raqami analoglari;
– Aloqa uchun telefon raqami.
11.2. Tashkilotchi tomonidan belgilangan Qoidalarning har qanday buzilishi unga Ishtirokchini diskvalifikatsiya qilish (bloklash) (shaxsni Aksiya ishtirokchisi maqomini yo‘qotgan deb topish) huquqini beradi.
11.3. Aksiya Tashkilotchisi tomonidan ushbu Qoidalarda belgilangan holatlarda va asoslarga ko‘ra qabul qilingan qarorlar qat’iy hisoblanadi va qayta ko‘rib chiqilishga yo‘l qo‘yilmaydi. Aksiya Tashkilotchisi bunday qaror qabul qilish asoslari va sabablariga izoh bermaydi.
11.4. Tashkilotchi telekommunikatsiya va energiya tarmoqlaridagi uzilishlar, zararli dasturlarning ta’siri, shuningdek, uchinchi shaxslarning Tashkilotchining dasturiy va/yoki apparat majmuasiga ruxsatsiz kirish hamda uni ishdan chiqarishga qaratilgan g‘arazli harakatlari oqibatida o‘z majburiyatlarini bajarmagan yoki lozim darajada bajarmagan holatlari uchun javobgarlikni o‘z zimmasiga olmaydi.
11.5. Ishtirokchi Aksiyada qatnashish to‘g‘risidagi reklama intervyularida, shu jumladan radio va televideniye uchun, shuningdek boshqa ommaviy axborot vositalari uchun ishtirok etishga, shuningdek Tashkilotchi va/yoki Tashkilotchining topshirig‘iga binoan uchinchi shaxslar tomonidan Ishtirokchining foto va video tasvirga olinishiga, shuningdek Ishtirokchi bilan yaratilgan foto– va video yozuvlardan bunday foydalanishga qo‘shimcha rozilik olmasdan va bunday foydalanish uchun hech qanday haq to‘lamasdan, shu jumladan ommaviy axborot vositalarida, xususan, reklama maqsadlarida, Ishtirokchi bilan yaratilgan foto– va video yozuvlardan foydalanish huquqini uchinchi shaxslarga o‘tkazish huquqi bilan foydalanishga rozilik beradi.
11.6. Qoidalarda ochiq ma’lumotlar yoki boshqa bayonotlar o‘rtasida taxminiy yoki haqiqiy noaniqlik, kelishmovchilik yoki nomuvofiqlik mavjud bo‘lgan holatlarda (shu jumladan, ushbu Qoidalardagi har qanday taxminiy nomuvofiqliklar yoki kelishmovchiliklar), bu masala tegishli vaziyatlarda faqat Tashkilotchining mutlaq ixtiyoriga ko‘ra hal etiladi.
Tashkilotchi istalgan vaqtda oqilona va qonuniy asoslarda G‘olib, potensial G‘olib va (yoki) Ishtirokchining diskvalifikatsiya qilinganligini, qatnashish mezonlariga mos kelmasligini, ushbu Qoidalarni buzayotganligini yoki Tashkilotchi tomonidan haqoratli, nomaqbul, tahdidli, noqonuniy yoxud biror shaxsni haqoratlash, suiiste’mol qilish, tahdid qilish yoki kamsitishga qaratilgan xatti-harakatlar deb baholanayotgan xulq-atvorni namoyon etayotganligini aniqlasa, Tashkilotchi bunday G‘olib yoki potensial G‘olibni, hatto u allaqachon xabardor qilingan, e’lon qilingan yoki biror joyda ko‘rsatilgan bo‘lsa ham, chetlashtirish huquqini o‘zida saqlab qoladi.
Ushbu Qoidalarning har qanday bandining haqiqiy emasligi yoki uni bajarishning imkonsizligi ushbu Qoidalarning boshqa bandlarining haqiqiyligiga yoki ularni bajarish imkoniyatiga ta’sir qilmaydi. Agar ushbu Qoidalarning istalgan bandi haqiqiy emas deb topilsa yoki boshqa tarzda bajarilmaydigan yoki noqonuniy deb hisoblansa, qolgan hollarda ushbu Qoidalar o‘z kuchini saqlab qoladi va go‘yoki unda haqiqiy bo‘lmagan yoki noqonuniy band mavjud emasdek, uning shartlariga muvofiq talqin etilishi lozim bo‘ladi.
Agar har qanday shaxs yolg‘on ma’lumot taqdim etsa, noqonuniy vositalar orqali ishtirok etsa yoki aks holda ushbu Qoidalarni buzgan deb topilsa, sovrin olishga urinishda, Tashkilotchi ushbu shaxsni ishtirokdan chetlashtirishi va yetkazilgan zararni qoplashni talab qilishi mumkin.
11.7. Agar ushbu Qoidalarning shartlari muayyan Aksiya Qoidalariga zid bo‘lsa, Tomonlar o‘rtasidagi munosabatlarga muayyan Aksiya Qoidalarining qoidalari qo‘llaniladi.
11.8. Aksiyalar va ular bilan bog‘liq har qanday nizolar kollizion normalar yoki huquqni tanlash prinsiplari inobatga olinmagan holda amaldagi Rossiya qonunchiligi bilan tartibga solinadi. Aksiyaga nisbatan har qanday protsessual harakatlar, da’volar yoki sud jarayonlari, agar muayyan Aksiya Qoidalarida boshqacha tartib nazarda tutilmagan bo‘lsa, faqat Novosibirsk viloyati Arbitraj sudida amalga oshiriladi.
11.9. Aksiyaga oid barcha masalalar bo‘yicha Ishtirokchi, muayyan Aksiya Qoidalarida ko‘rsatilgan elektron manzilga murojaat qilishi mumkin.
11.10. Ushbu Qoidalar Internet tarmog‘ida muayyan Aksiya qoidalarida ko‘rsatilgan manzillarda joylashtirilgan va/yoki mavjud.